Germaniianyŋ Gessen federaldy aimaǧynda 39 jastaǧy Qazaqstan azamatyna qatysty auqymdy tergeu bastaldy, dephabarlaidy "Adyrna" ūlttyq portaly DW-ge sılteme jasap.
Küdıktıge Resei men Belaruske Europalyq Odaqtyŋ sanksiialaryn būza otyryp, 700-den astam qymbat kölıkterdı körşıles elder arqyly zaŋsyz satty degen aiyp taǧylyp otyr. Eksporttalǧan kölıkterdıŋ jalpy qūny 25 million euroǧa baǧalanuda.
Keden qyzmetınıŋ mälımetınşe, tıntu barysynda 1,3 million euro tūratyn 21 avtokölık pen motosikl tärkılengen. Sonymen qatar küdıktınıŋ üiınen zaŋsyz saqtalǧan elektroşoker, medisinalyq jäne dopingtık preparattar, sondai-aq sirek kezdesetın jäne qorǧauǧa alynǧan januarlar qataryna jatuy mümkın qoltyrauynnyŋ basy tabylǧan.
Bild gazetınıŋ derekterıne süiensek, küdıktı – Qazaqstan azamaty jäne zaŋsyz eksporttyŋ bır bölıgı Qazaqstan aumaǧy arqyly jüzege asqan. Tärkılengen kölıkterdıŋ qatarynda BMW men Audi markaly maşinalar bar.
Qazırgı taŋda oǧan 15 jylǧa deiın bas bostandyǧynan aiyrylu qaupı tönıp tūr. Tergeu jalǧasuda.
