2026 جىلدىڭ ءى توقسانىندا قازاقستاندا حالىقارالىق تاسىمالدارعا سۇرانىس تومەندەپ، ىشكى تاسىمالدار وسكەن. بۇل تۋرالى حالىقارالىق ATI.SU لوگيستيكالىق پلاتفورماسى جازدى، دەپ حابارلايدى «ادىرنا» ءتىلشىسى.
ەلىمىزدە ەكسپورت-يمپورتتىق تاسىمالدارعا وتىنىمدەر سانى ايتارلىقتاي ازايعانىمەن، ەل ىشىندەگى جۇك جەتكىزۋگە سۇرانىس ءالى دە ءوسىپ وتىر. قازاقستاننان باسقا ەلدەرگە تاسىمالدارعا وتىنىمدەر جىلدىق ەسەپتە 32%-عا، ال 2025 جىلدىڭ IV توقسانىمەن سالىستىرعاندا 28%-عا قىسقارعان. بۇل رەتتە رەسەي باعىتى بويىنشا سۇرانىس 36%-عا تومەندەگەن، وزبەكستانعا تاسىمالدار دا ازداپ قىسقارعان. ال قىتاي مەن بەلارۋس باعىتىنداعى جۇك تاسىمالى، كەرىسىنشە، ارتقان.
قازاقستانعا كەلەتىن تاسىمالدار بويىنشا وتىنىمدەر 16%-عا (جىلدىق ەسەپتە) جانە 6,8%-عا (IV توقسانمەن سالىستىرعاندا) ازايعان. مۇندا دا نەگىزگى تومەندەۋ رەسەي باعىتىنا تيەسىلى. ول 18 % پايىزدى قۇرايدى. سونداي-اق پولشا، ليتۆا، گەرمانيا سياقتى ەۋروپا ەلدەرىنە تاسىمالدار دا ازايعان، ال تۇركيا مەن بەلارۋس باعىتتارىندا ءوسىم بايقالعان. رەسەي باعىتى بويىنشا جاعداي كەدەندىك باقىلاۋدىڭ قاتاڭداۋى مەن شەكاراداعى كەزەكتەرگە بايلانىستى كۇردەلەنە تۇسكەن. بۇل ماسەلە وتكەن جىلدىڭ كۇزىنەن بەرى جالعاسىپ كەلەدى.
قازاقستان ىشىندەگى تاسىمالدار جىلدىق ەسەپتە 29%-عا وسكەن، الايدا 2025 جىلدىڭ IV توقسانىمەن سالىستىرعاندا 12%-عا تومەندەگەن. ماماندار مۇنى ماۋسىمدىق فاكتورلارمەن تۇسىندىرەدى، ويتكەنى جىل سوڭىندا جاڭا جىل الدىنداعى جەتكىزىلىمدەرگە بايلانىستى ءاردايىم ءوسىم بايقالادى.
