رەسەيدىڭ "روسسيا 1" ارناسىنداعى “ۆەچەر س ۆلاديميروم سولوۆەۆىم” ساياسي توك-شوۋىندا ساياساتتانۋشىلار قازاقستاندى ۋكراينادان كەيىن پروبلەما دەپ اتادى، دەپ حابارلايدى “ادىرنا” ۇلتتىق پورتالى.
“تىڭداڭىزدار، ەندى قازاقستان – بىزدىڭ كەلەسى ماسەلەمىز ەكەنىنە نازار اۋدارايىقشى. سەبەبى ول جاقتا دا ۋكرايناداعىداي ناتسيستىك ۇدەرىس قالىپتاسۋى مۇمكىن. ول ەلدە ورىستار دا كوپ، اۋماعى دا، سەمەي دە، وعان قوسا، روساتومنىڭ يادرولىق ماتەريالدارى دا سول جاقتا”، – دەيدى ساراپشىلاردىڭ ءبىرى.
بۇعان توك-شوۋدى جۇرگىزۋشى سولوۆەۆ تا پىكىر ءبىلدىردى.
“ارينە! قازاقستان مەن رەسەي اراسىنداعى شەكارا قۇرلىقتاعى ەڭ ۇزىن شەكارا”، – دەپ جاۋاپ بەردى.
ايتا كەتەيىك، ماماندار بۇل توك-شوۋ مەن ۆلاديمير سولوۆەۆتى رەسەي ساياساتىن ۇگىتتەۋشى دەپ بىلەدى. ۋكرايناداعى سوعىستى جاقتاعان تەلەجۇرگىزۋشىگە بۇرىن ەۋروپا وداعى بىرنەشە سانكتسيا سالعان ەدى.
