قازاقستان پرەزيدەنتتىگىنە كانديدات بولعان تولەۋتاي راحىمبەكوۆ «اۋىل» پارتياسىنان شىققانىن مالىمدەدى، دەپ حابارلايدى "ادىرنا" ۇلتتىق پورتالى.
بۇل تۋرالى ول الەۋمەتتىك جەلىدە حابارلاپ، پارتيادان جانە بارلىق سايلانبالى ورگانداردان شىعۋ تۋرالى شەشىمىن 4 مامىردا جولداعانىن ايتتى.
ونىڭ سوزىنشە، بۇل قادام باسقا پارتياعا اۋىسۋ نەمەسە دەپۋتاتتىق ماندات الۋ ماقساتىمەن بايلانىستى ەمەس. ول مۇنداي شەشىمدى ۇزاق ويلانۋدان كەيىن قابىلداعانىن جەتكىزدى.
ساياساتكەر اۋىل پارتياسى قاتارىندا 2015 جىلدىڭ قىركۇيەگىنەن بەرى، ياعني شامامەن 11 جىل بويى قىزمەت ەتكەن. وسى ۋاقىت ىشىندە ول پارتيانىڭ پرەزيديۋمى مەن ساياسي كەڭەسىندە بولىپ، بەس جىلدان استام ۋاقىت ءبىرىنشى ورىنباسار قىزمەتىن اتقاردى.
راحىمبەكوۆ «اۋىل» پارتياسىنان 2019 جىلعى پرەزيدەنت سايلاۋىنا، سونداي-اق 2021 جانە 2023 جىلدارداعى ءماجىلىس سايلاۋلارىنا قاتىسقان.
