Kaspi.kz 2026 جىلعى 2-8 تامىزدا استانادا وتەتىن IOAI 2026 حالىقارالىق جاساندى ينتەللەكت وليمپياداسىنىڭ باس سەرىكتەسى بولدى.
وليمپياداعا 100 ەلدەن 400-دەن استام وقۋشى مەن ستۋدەنت، سونداي-اق كوماندا تالىمگەرلەرى، حالىقارالىق ساراپشىلار مەن تەحنولوگيالىق يندۋستريا وكىلدەرى قاتىسادى. IOAI 2026 ۇيىمداستىرۋشىسى – قازاقستان رەسپۋبليكاسىنىڭ سپورتتىق باعدارلامالاۋ فەدەراتسياسى. ءىس-شارا قازاقستان رەسپۋبليكاسى پرەزيدەنتىنىڭ جانە UNESCO-نىڭ قولداۋىمەن وتەدى. وليمپيادانىڭ جاھاندىق دەمەۋشىلەرى رەتىندە Google, Huawei مەن باسقا دا جەتەكشى تەحنولوگيالىق كومپانيالار قاتىسادى.
استانادا IOAI 2026 وتكىزۋ – قازاقستان ءۇشىن ماڭىزدى وقيعا. ءبىزدىڭ ەلىمىز بولاشاقتىڭ نەگىزگى تەحنولوگيالارىنىڭ ءبىرى — جاساندى ينتەللەكت بويىنشا باق سىناسۋ ءۇشىن الەمدەگى ەڭ تالانتتى جاستار جينالاتىن ورىنداردىڭ بىرىنە اينالۋدا.
قازاقستاندىق وقۋشىلار مەن ستۋدەنتتەر قازىردىڭ وزىندە حالىقارالىق ارەنادا جوعارى دەڭگەيدى كورسەتىپ وتىر. قىتايدا وتكەن IOAI 2025 وليمپياداسىندا قازاقستان كومانداسى الەمنىڭ ەڭ ۇزدىك 100 كومانداسىنىڭ ىشىندە 4-ءشى ورىنعا يە بولدى. سونداي-اق 2024 جىلى قازاقستان سپورتتىق باعدارلامالاۋ بويىنشا ەڭ بەدەلدى الەمدىك چەمپيوناتتاردىڭ ءبىرى ICPC World Finals-ءتى وتكىزگەن بولاتىن.
Kaspi.kz باسشىسى ءارى نەگىزىن قالاۋشىلاردىڭ ءبىرى ميحايل لومتادزە:
ء«بىز قازاقستاننىڭ IOAI 2026 حالىقارالىق جاساندى ينتەللەكت وليمپياداسىن وتكىزەتىنىن ماقتان تۇتامىز. بۇل – الەمدىك دەڭگەيدەگى وقيعا جانە ءبىزدىڭ وقۋشىلارىمىز بەن ستۋدەنتتەرىمىز ءۇشىن ءوز تالانتىن، ءبىلىمى مەن تالپىنىسىن كورسەتۋگە بەرىلگەن ۇلكەن مۇمكىندىك. Kaspi.kz ميلليونداعان كليەنتتەر مەن جۇزدەگەن مىڭ كاسىپكەرلەر ءۇشىن ءوز ونىمدەرى مەن سەرۆيستەرىن ىڭعايلى، قاۋىپسىز ءارى پايدالى ەتۋ ماقساتىندا جاساندى ينتەللەكتىنى بەلسەندى تۇردە دامىتىپ، قولدانىپ كەلەدى. AI-وليمپياداسىن قولداۋ – بۇل ءبىزدىڭ كومپانيانىڭ قازاقستاندا بولاشاقتىڭ تەحنولوگيالارىن جاسايتىن مامانداردىڭ جاڭا بۋىنىن دامىتۋعا قوسقان ۇلەسى. ءبىز ءۇشىن جاس قازاقستاندىقتاردىڭ زاماناۋي تەحنولوگيالاردى قولدانىپ قانا قويماي، ولاردى وزدەرى جاساپ شىعارعانى ماڭىزدى. ءبىز IOAI 2026 باس سەرىكتەسى بولعانىمىزعا قۋانىشتىمىز جانە فەدەراتسياعا سەرىكتەستىك ورناتقانى ءۇشىن العىس ايتامىز. قازاقستاننىڭ كومانداسىنا جاڭا جەڭىستەر تىلەيمىز!»
IOAI 2026 وليمپياداسىن قولداۋ
Kaspi.kz-ءتىڭ قازاقستانداعى تەحنولوگيالىق ءبىلىم بەرۋدى دامىتۋ بويىنشا ۇزاق مەرزىمدى جۇمىسىن جالعاستىرادى. كومپانيا ءبىلىم بەرۋ باستامالارىن، باعدارلامالاۋ جانە كيبەرقاۋىپسىزدىك جارىستارىن قولدايدى، سونداي-اق جاس تالانتتارعا پراكتيكالىق ءبىلىم مەن تاجىريبە الۋعا كومەكتەسەدى.
استانادا وتەتىن IOAI 2026 – بۇل تەك حالىقارالىق جارىس ەمەس. بۇل – قازاقستاننىڭ تالانتتى ينجەنەرلەردىڭ، مىقتى جاستاردىڭ جانە ۇلكەن تەحنولوگيالىق ماقساتتار ەلى ەكەنىن الەمگە كورسەتۋ مۇمكىندىگى.
Kaspi.kz تۋرالى
Kaspi.kz ميسسياسى – كليەنتتەر مەن سەرىكتەستەردىڭ ءومىرىن جاقسارتاتىن يننوۆاتسيالىق ونىمدەر مەن قىزمەتتەر جاساۋ.
Kaspi.kz سەرۆيستەرىن قازاقستان مەن تۇركيادا 25 ميلليوننان استام كليەنت پەن 900 مىڭ سەرىكتەس قولدانادى. قازاقستاندا سۋپەرقوسىمشا تولەمدەر، ەلەكتروندى كوممەرتسيا، ونلاين سۋپەرماركەت، فينتەح، ساياحات، حابارلاندىرۋ، مەملەكەتتىك قىزمەتتەر مەن باسقا دا سەرۆيستەردى بىرىكتىرەدى. Kaspi.kz تۇركيادا ەلدەگى جەتەكشى ەلەكتروندى كوممەرتسيا پلاتفورماسى – Hepsiburada-نىڭ يەسى.
