Kaspi.kz بۇگىن Tencent, Kaspi.kz باسشىسى ءارى نەگىزىن قالاۋشىلاردىڭ ءبىرى ميحايل لومتادزە، باسقارۋشى كوماندانىڭ نەگىزگى مۇشەلەرى جانە ۇزاق مەرزىمدى ينستيتۋتسيونالدىق ينۆەستورلار Baring Fintech Venture Funds قورىنان Kaspi.kz-ءتىڭ 6 ميلليونعا جۋىق امەريكاندىق دەپوزيتارلىق اكتسياسىن ساتىپ الۋدى اياقتاعانىن حابارلايدى.
ميحايل لومتادزە بىلاي ءتۇسىندىرىپ ءوتتى:
«Tencent — قىتايدىڭ ءىرى تەحنولوگيالىق كومپانياسى، ۇزدىك قوسىمشانىڭ بيزنەس-مودەلىنىڭ پيونەرى جانە الەمدەگى ەڭ تانىمال ءموبيلدى قوسىمشالاردىڭ ءبىرى – 1,3 ميللياردتان استام ادام قولداناتىن WeChat-تىڭ نەگىزىن قالاۋشى. Tencent-ءتىڭ Kaspi.kz-ءتىڭ ءىرى اكتسيونەرلەرىنىڭ قاتارىنا قوسىلۋى – ءبىز ءۇشىن ۇلكەن مارتەبە!
مەنىڭ جەكە ينۆەستيتسيام، باسقارۋشى كوماندامىزدىڭ نەگىزگى مۇشەلەرىنىڭ ينۆەستيتسيالارىمەن بىرگە كومپانيامىزدىڭ بيزنەس-مودەلىنە جانە ۇزاق مەرزىمدى ستراتەگياسىنا دەگەن نىق سەنىمدى بىلدىرەدى.
ءبىز سونداي-اق قارجىتەح سالاسىنداعى Spice Expeditions حالىقارالىق ينۆەستيتسيالىق كومپانياسىنىڭ، اقش-تىڭ Washington University جانە WISIMCO / University of Wisconsin Foundation سياقتى ۋنيۆەرسيتەتتىك ينۆەستيتسيالىق قورلارىنىڭ ۇزاق مەرزىمدى اكتسيونەرلەرىمىزدىڭ قاتارىنا قوسىلعانىن ماقتانىشپەن حابارلايمىز».
Kaspi.kz تۋرالى
Kaspi.kz ميسسياسى – كليەنتتەر مەن سەرىكتەستەردىڭ ءومىرىن جاقسارتاتىن يننوۆاتسيالىق ونىمدەر مەن قىزمەتتەر جاساۋ. Kaspi.kz سەرۆيستەرىن قازاقستان مەن تۇركيادا 25 ميلليوننان استام كليەنت پەن 900 مىڭ سەرىكتەس قولدانادى.
قازاقستاندا ءبىزدىڭ سۋپەرقوسىمشا تولەمدەر، ەلەكتروندى كوممەرتسيا، ونلاين سۋپەرماركەت، فينتەح، ساياحات، حابارلاندىرۋ، مەملەكەتتىك قىزمەتتەر مەن باسقا دا سەرۆيستەردى بىرىكتىرەدى. تۇركيادا Kaspi.kz ەلدەگى جەتەكشى ەلەكتروندى كوممەرتسيا پلاتفورما - Hepsiburada-نىڭ 86%-ىن يەلەنەدى.
Kaspi.kz 2024 جىلدىڭ قاڭتارىنان Nasdaq-تا ساۋدالانادى.
