جىل سايىنعى Kazakhstan Growth Forum-دا ۇزدىك قازاقستاندىق كومپانيالاردى ماراپاتتاۋ ءراسىمى ءوتتى.
مەملەكەتتىك جانە باسقا دا تسيفرلىق سەرۆيستەردى بىرىكتىرگەنى ءۇشىن جانە قازاقستاندىقتاردىڭ كۇندەلىكتى ومىرىنە كەڭىنەن ەندىرگەنى ءۇشىن Kaspi.kz كومپانياسى باستى «جىل ترانسفورماتورى» اتاندى.
Kaspi.kz-ءتىڭ باسشىسى ءارى نەگىزىن قالاۋشىلاردىڭ ءبىرى ميحايل لومتادزە ءوز پىكىرىن ءبىلدىردى:
بۇگىنگى تاڭدا قازاقستان – مەملەكەتتىك قىزمەتتەردى ونلاين كورسەتۋدە الەمدەگى ەڭ دامىعان ەلدەردىڭ ءبىرى، ول ءار قازاقستاندىق ءۇشىن زور ماقتانىش كوزى. قازاقستاندىقتار ءۇشىن مەملەكەتتىك قىزمەتتەردى بارىنشا قولجەتىمدى ەتۋگە تىرىسىپ جاتقان مەملەكەتتىك ورگاندارعا راقمەت ايتامىن. تسيفرلىق دامۋ مينيسترلىگى، «ۇلتتىق اقپاراتتىق تەحنولوگيالار» اق، «ازاماتتارعا ارنالعان ۇكىمەت» كەاق، قارجى مينيسترلىگى، مەملەكەتتىك كىرىستەر كوميتەتى، دەنساۋلىق ساقتاۋ مينيسترلىگى، ىشكى ىستەر مينيسترلىگى، ەڭبەك جانە حالىقتى الەۋمەتتىك قورعاۋ مينيسترلىگى، ادىلەت مينيسترلىگى، باس پروكۋراتۋرانىڭ قۇقىقتىق ستاتيستيكا كوميتەتى، ءىىم اكىمشىلىك پوليتسيا كوميتەتى مەن ازاماتتارعا ارنالعان زاماناۋي تسيفرلىق سەرۆيستەردى جاساۋعا اتسالىسقان باسقا دا مەكەمەلەرگە سەنىم ارتقانى ءۇشىن جانە بىرلەسىپ جۇمىس ىستەگەنى ءۇشىن مىڭ العىس. ال قازاقستاندىقتار مەملەكەتتىك قىزمەتتەردى تۋرا ءوز سمارتفونىندا وڭاي ءارى جىلدام الادى. ءبىزدىڭ جۇمىسىمىزدى جوعارى باعالاعانى ءۇشىن فورۋمنىڭ قازىلار القاسىنا راقمەت!
Kazakhstan Growth Forum ساراپتامالىق كەڭەسى جىل سايىن ەلىمىزدىڭ ۇزدىك كومپانيالارىن ايقىندايدى. بيىل ونىڭ قۇرامىنا وراز جاندوسوۆ، ساكەن جۇماشەۆ (KPMG), ەلەنا باحمۋتوۆا (افك), ەلدار ابدىرازاقوۆ (Kazakhstan Growth Forum), ەكاتەرينا بەندجامين (IFC), ەرلان دوسىمبەكوۆ (EY), ەرجان دوسىمبەكوۆ (Grant Thornton), اندرەي بەكلەميشەۆ (IDC), دۋلاتبەك يكباەۆ (McKinsey & Company), دانا ىڭكاربەكوۆا (PwC), دينا ۋراستاەۆا (Qazaq Independent Directors) سياقتى بەدەلدى ساراپشىلار كىردى.
