17 شىلدەدەن باستاپ Kaspi.kz سەرىكتەستەرى قازاقستان بويىنشا 700 مىڭنان استام ساۋدا نۇكتەسىندە كەز كەلگەن قازاقستاندىق بانكتىڭ كليەنتتەرىنەن Kaspi QR ارقىلى تولەم قابىلداي الادى. ول ءۇشىن باسقا بانكتىڭ ءموبيلدى قوسىمشاسى ارقىلى Kaspi POS-تاعى Kaspi QR كودىن سكانەرلەۋ جەتكىلىكتى.
Kaspi.kz كليەنتتەرى باسقا قازاقستاندىق بانكتەردىڭ QR-كودتارى ارقىلى دا ساتىپ الۋلارىنىڭ اقىسىن تولەي الادى.
سونداي-اق Kaspi.kz كليەنتتەرى تەلەفون ءنومىرى ارقىلى باسقا بانكتەردەن اقشا اۋدارىمدارىن قابىلداپ، باسقا بانكتەرگە اۋدارىم جاساي الادى.
ميحايل لومتادزە، Kaspi.kz باسشىسى ءارى نەگىزىن قالاۋشىلاردىڭ ءبىرى:
ء«بىز سۇيىكتى سەرىكتەستەرىمىزگە كەز كەلگەن بانكتىڭ كليەنتتەرىنەن تولەم قابىلداۋ ىڭعايلى بولعانىن، ال كليەنتتەرىمىزگە بارلىق جەردە وڭاي تولەم جاساۋ مۇمكىندىگى بولعانىن قالايمىز. وسى جۇيەنى سەنىمدى، قاۋىپسىز ءارى بارلىق قاتىسۋشى ءۇشىن ىڭعايلى ەتۋ ماقساتىندا ءبىز ۇلتتىق بانكپەن جانە بانك قاۋىمداستىعىمەن بىرنەشە جىل بويى بىرگە جۇمىس ىستەدىك. ىنتىماقتاستىق ءۇشىن قازاقستان ۇلتتىق بانكى مەن بانك قاۋىمداستىعىنا، ال سەنىمدەرى ءۇشىن سۇيىكتى كليەنتتەرىمىز بەن سەرىكتەستەرىمىزگە العىس بىلدىرەمىز!»
قىزمەتتىڭ جۇمىسى تۋرالى تولىق اقپاراتتى سەرىكتەستەرگە ارنالعان Kaspi گيدتەن جانە كليەنتتەرگە ارنالعان Kaspi گيدتەن وقي الاسىز.
Kaspi.kz تۋرالى
Kaspi.kz ميسسياسى – سۇيىكتى كليەنتتەرى مەن سەرىكتەستەرىنىڭ ءومىرىن جاقسارتاتىن يننوۆاتسيالىق ونىمدەر مەن سەرۆيستەردى جاساۋ.
Kaspi.kz سەرۆيستەرىن قازاقستان مەن تۇركيادا 25 ميلليوننان استام كليەنت جانە 900 مىڭ سەرىكتەس پايدالانادى. قازاقستاندا Kaspi.kz سۋپەرقوسىمشاسى تولەمدەردى، ەلەكتروندىق كوممەرتسيانى، ونلاين-سۋپەرماركەتتى، فينتەح قىزمەتتەرىن، ساياحاتتى، حابارلاندىرۋلاردى، مەملەكەتتىك قىزمەتتەردى جانە كۇندەلىكتى ومىرگە قاجەتتى باسقا دا سەرۆيستەردى بىرىكتىرەدى. تۇركيادا Kaspi.kz ەلدەگى جەتەكشى ەلەكتروندىق كوممەرتسيا پلاتفورمالارىنىڭ ءبىرى – Hepsiburada-عا يەلىك ەتەدى.
