Kaspi.kz Apple Pay قىزمەتىنىڭ ىسكە قوسىلعانىن حابارلايدى. ەندى كليەنتتەر الەمنىڭ كەز كەلگەن جەرىندە دۇكەندەردە, قوسىمشالاردا جانە ينتەرنەتتە iPhone, Apple Watch, iPad جانە Mac قۇرىلعىلارى ارقىلى تولەم جاساي الادى.
Kaspi.kz باسشىسى ءارى نەگىزىن قالاۋشىلاردىڭ ءبىرى ميحايل لومتادزە:
«Apple Pay-ءدى قوسۋ – سۇيىكتى كليەنتتەرىمىزدەن ەڭ ءجيى تۇسكەن وتىنىشتەردىڭ ءبىرى بولدى. كوپتەگەن كليەنتتەر Kaspi Gold كارتاسىن Apple Pay-گە قوسىپ, اسىرەسە شەتەلدە iPhone نەمەسە Apple Watch ارقىلى تولەم جاساعىسى كەلدى.
ءبىز ەندى بۇل مۇمكىندىكتىڭ Kaspi.kz سۋپەرقوسىمشاسىندا قولجەتىمدى بولعانىنا قۋانىشتىمىز. ءبىزدىڭ ماقساتىمىز – Kaspi Gold كارتاسىن كەز كەلگەن جاعدايدا: قازاقستاندا, ساپاردا, دۇكەندەردە, قوسىمشالاردا جانە ينتەرنەتتە ودان دا ىڭعايلى ەتۋ.
ءبىزدى سۇيىكتى كليەنتتەرىمىزگە بىزبەن بىرگە بولعاندارى ءۇشىن راقمەت!» - دەدى.
Apple Pay بايلانىسسىز تولەم قابىلداناتىن بارلىق جەردە جۇمىس ىستەيدى: سۋپەرماركەتتەردە, ءدارىحانالاردا, مەيرامحانالاردا, كوفەحانالاردا, دۇكەندەردە جانە باسقا دا ساۋدا ورىندارىندا. تولەم جاساۋ ءۇشىن iPhone نەمەسە Apple Watch قۇرىلعىسىنىڭ بۇيىردەگى باتىرماسىن ەكى رەت باسىپ, Face ID, Touch ID نەمەسە قۇرىلعىنىڭ قۇپياسوزى ارقىلى راستاۋ جاساپ, قۇرىلعىنى POS-تەرمينالعا جاقىنداتۋ جەتكىلىكتى.
Kaspi Gold كارتاسىن Apple Pay-گە تىكەلەي Kaspi.kz سۋپەرقوسىمشاسى ارقىلى قوسۋعا بولادى. سونداي-اق كليەنتتەر iPhone قۇرىلعىسىنداعى Wallet قوسىمشاسىن اشىپ, «+» باتىرماسىن باسىپ, ەكرانداعى نۇسقاۋلاردى ورىنداي الادى. Kaspi Gold كارتاسى iPhone, Apple Watch, iPad نەمەسە Mac قۇرىلعىسىنا قوسىلعاننان كەيىن Apple Pay قىزمەتىن بىردەن پايدالانۋعا بولادى.
