Kaspi.kz حالىقارالىق اۋدارىمداردىڭ مۇمكىندىگىن كەڭەيتتى: ەندى قازاقستاندىقتار الەمدەگى ەڭ ءىرى تولەم جۇيەلەرىنىڭ ءبىرى — UnionPay كارتالارىنا اقشانى تەز ءارى قاۋىپسىز اۋدارا الادى.
پايدالانۋشىلار Kaspi Gold-پەن Visa, Mastercard, سونداي-اق ەلكارت، Uzcard جانە Humo كارتالارىن ۇستاۋشىلارعا لەزدە اقشا جىبەرۋگە ۇيرەنىپ قالعان. ەندى Kaspi.kz قوسىمشاسىندا اقشانى قازاقستان، قىتاي جانە باسقا ەلدەردىڭ بانكتەرى شىعارعان UnionPay كارتالارىنا دا ىڭعايلى اۋدارۋعا بولادى.
قازاقستانداعى UnionPay كارتاسىنا اقشا اۋدارۋ ءۇشىن تەك كارتانىڭ ءنومىرىن كورسەتسە بولدى. قىتايعا اقشا اۋدارۋ ءۇشىن قوسىمشا اۋدارىم ماقساتىن تاڭداۋ كەرەك، ال حالىقارالىق اۋدارىمدار ءۇشىن – الۋشىنىڭ اتى-ءجونىن كورسەتۋ كەرەك.
سونىمەن قاتار Kaspi.kz قوسىمشاسىندا باسقا قازاقستاندىق بانكتەر شىعارعان UnionPay كارتالارىنان Kaspi Gold-ىڭىزعا اقشا اۋدارۋعا بولادى.
UnionPay كارتالارىنا اۋدارىم جاساۋ تۋرالى تولىعىراق Kaspi گيد سەرۆيسىنەن بىلۋگە بولادى.
UnionPay قىتايدا قۇرىلعان جانە الەمدەگى ەڭ ءىرى تولەم جۇيەلەرىنىڭ ءبىرى بولىپ تابىلادى. دۇنيەجۇزىندە 9 ميللياردتان استام UnionPay كارتاسى شىعارىلعان، ولار قازاقستاندى قوسا العاندا 183 ەلدە قابىلدانادى.
Kaspi.kz تۋرالى
Kaspi.kz ميسسياسى - سۇيىكتى كليەنتتەرى مەن سەرىكتەستەرىنىڭ ءومىرىن جاقسارتاتىن يننوۆاتسيالىق ونىمدەر مەن سەرۆيستەردى جاساۋ.
Kaspi.kz سەرۆيستەرىن قازاقستان مەن تۇركيادا 25 ميلليوننان استام كليەنت جانە 900 مىڭ سەرىكتەس پايدالانادى. قازاقستاندا Kaspi.kz سۋپەرقوسىمشاسى تولەمدەردى، ەلەكتروندىق كوممەرتسيانى، ونلاين-سۋپەرماركەتتى، فينتەح قىزمەتتەرىن، ساياحاتتى، حابارلاندىرۋلاردى، مەملەكەتتىك قىزمەتتەردى جانە كۇندەلىكتى ومىرگە قاجەتتى باسقا دا سەرۆيستەردى بىرىكتىرەدى.
تۇركيادا Kaspi.kz ەلدەگى جەتەكشى ەلەكتروندىق كوممەرتسيا پلاتفورمالارىنىڭ ءبىرى — Hepsiburada-عا يەلىك ەتەدى.
