قازاقستاننىڭ سالىق ورگاندارى شەتەلدىك ينتەرنەت-كومپانيالاردىڭ سالىق مىندەتتەمەلەرىن تەكسەرۋ بارىسىندا بىرقاتار زاڭبۇزۋشىلىقتاردى انىقتادى، دەپ حابارلايدى "ادىرنا" ۇلتتىق پورتالى.
Tengrinews مالىمەتىنشە، ChatGPT ازىرلەۋشىسى OpenAI 2025 جىل بويىنشا بيۋدجەتكە 1,8 ميلليارد تەڭگە كولەمىندە تولەنبەي قالعان سالىقتى وتەدى.
بۇل تۋرالى مەملەكەتتىك كىرىستەر كوميتەتىنىڭ تسيفرلىق اكتيۆتەردى اكىمشىلەندىرۋ باسقارماسىنىڭ باسشىسى تالعات ءادىلوۆ مالىمدەگەن. ونىڭ ايتۋىنشا، 2025 جىلى سالىق ورگاندارى 77 شەتەلدىك ينتەرنەت-كومپانياعا قاتىستى تەكسەرۋ جۇرگىزگەن. كەيبىر پلاتفورمالار قازاقستاندا شارتتى تىركەۋدەن وتپەگەن بولسا، ەندى بىرىندە قازاقستاندىق پايدالانۋشىلار جاساعان تولەمدەر مەن تولەنگەن قوسىلعان قۇن سالىعى اراسىندا ايىرماشىلىق انىقتالعان.
حابارلاما العاننان كەيىن شامامەن سەگىز كومپانيا وزدەرىنىڭ سالىقتىق مىندەتتەمەلەرىن ورىنداعان. سولاردىڭ ىشىندەگى ەڭ ءىرى تولەمدەردىڭ ءبىرى ChatGPT ازىرلەۋشىسى OpenAI تاراپىنان جاسالىپ، كومپانيا 2025 جىل ءۇشىن 1,8 ميلليارد تەڭگە كولەمىندەگى سالىقتى قوسىمشا تولەگەن.
سونىمەيا قاتار AliExpress ماركەتپلەيسى دە كامەرالدىق باقىلاۋ ناتيجەسىندە قازاقستان بيۋدجەتىنە 600 ميلليون تەڭگەدەن استام سوما اۋدارعان.
