اقتوبەدە 1414 بىرىڭعاي بايلانىس ورتالىعىنان تولەم تاعايىندالعانى تۋرالى حابارلاما العان زەينەتكەر 33 تەڭگە تولەم الاتىن بولدى دەپ حابارلايدى "ادىرنا" ۇلتتىق پورتالىنىڭ ءتىلشىسى.
نەللي ەسىمدى زەينەتكەرگە 1414 بىرىڭعاي بايلانىس ءنومىرى ارقىلى حالىققا قىزمەت كورسەتۋ ورتالىعىنان وزىنە تولەم تاعايىندالعانى تۋرالى سمس كەلگەن. كەيىن ول حالىققا قىزمەت كورسەتۋ ورتالىعىنا بارعان كەزىندە الگى تولەم مولشەرى نەبارى 33 تەڭگە تۇراتىنىن بىلگەن.
"مەن تۇرگەنەۆ بويىندا ورنالاسقان حالىققا قىزمەت كورسەتۋ ورتالىعىنا باردىم. ول جەردە ماعان بانككە بارىپ، شوت ءنومىرىن الۋدى ءوتىندى. بانككە بارىپ قايتا كەلدىم. الايدا بىردە-ءبىر قىزمەتكەر بۇدان ءارى نە ىستەۋ كەرەكتىگىن تۇسىندىرە المادى. كەلەسى كۇنى كەلىڭىز دەدى. كەلەسى كۇنى باردىم. ءبىر تەرەزەدەن ەكىنشى تەرەزەگە جۇگىرتتى. 2-قاباتتاعى №9-كابينەتكە جىبەردى. ءوتىنىش تولتىرعاننان كەيىن ماعان تاعايىندالعان تولەم 33 تەڭگەنى قۇرايتىنىن ايتتى. مەن نە جىلارىمدى نە كۇلەرىمدى بىلمەدىم. ەكى كۇندە جولىما 1000 تەڭگەدەن استام اقشا جۇمسادىم. بۇل نە مازاق؟ ونىڭ ۇستىنە 33 تەڭگەنى تەك شىلدە ايىندا عانا الامىن", - دەيدى زەينەتكەر.
حالىققا قىزمەت كورسەتۋ ورتالىعى مۇنداي تولەم بجزق ارقىلى جۇزەگە اسىرىلاتىنىن، زەينەتكەرگە 33,19 تەڭگە تاعايىندالعانىن جەتكىزدى.
"ادىرنا" ۇلتتىق پورتالى.
