قازىرگى تاڭدا جامبىل وبلىسىندا 3 سوعىس ارداگەرى تۇرادى بار، ولاردىڭ بارلىعى –تاراز قالاسىنىڭ تۇرعىنى. جەڭىس كۇنىنە وراي جامبىل وبلىسىندا ۇلى وتان سوعىسىنىڭ ارداگەرلەرىنە 5 ميلليون تەڭگەدەن (بۇل 10 مىڭ اقش دوللارىنان اسادى) بەرىلدى.
جالپى العاندا، وڭىردە 3,8 مىڭنان استام ادام الەۋمەتتىك قولداۋ شارالارىمەن قامتىلدى.
نەگىزگى الۋشىلاردىڭ قاتارىندا تىل ەڭبەككەرلەرى، سونداي-اق قازا تاپقان جاۋىنگەرلەردىڭ جەسىرلەرى مەن ايەلدەرى بار — بارلىعى 1310 ادام. ولاردىڭ ارقايسىسىنا 50 مىڭ تەڭگە كولەمىندە بىرجولعى تولەم بەرىلدى.
سونىمەن قاتار، باسقا دا ساناتتاعى ازاماتتارعا قولداۋ كورسەتىلدى:
* بۇرىنعى كونتسلاگەر تۇتقىندارى مەن قورشاۋداعى لەنينگراد تۇرعىندارىنا — 60 مىڭ جانە 150 مىڭ تەڭگەدەن (2 ادام);
* بەيبىت ۋاقىتتا اسكەري قىزمەتتە قازا تاپقان اسكەري قىزمەتشىلەردىڭ وتباسىلارىنا — 50 مىڭ تەڭگەدەن (18 ادام);
* باسقا مەملەكەتتەر اۋماعىنداعى ۇرىس قيمىلدارىنىڭ ارداگەرلەرىنە (اۋعانستان، تاجىك-اۋعان، يراك، قاراباح) — 150 مىڭ تەڭگەدەن (1559 ادام);
* چەرنوبىل اپاتى جانە باسقا دا رادياتسيالىق اپاتتاردىڭ سالدارىنان مۇگەدەكتىك العان ازاماتتارعا، سونداي-اق رادياتسيا اسەرىنەن تۋعان بالالارعا — 150 مىڭ تەڭگەدەن (908 ادام).
بۇدان بولەك، ارداگەرلەرگە ساناتوري-كۋرورتتىق ەمدەلۋ مۇمكىندىگى قاراستىرىلعان
