تولەم كارتالارى بويىنشا قولما-قول اقشاسىز وپەراتسيالار 2,5 ەسە ءوستى، دەپ حابارلايدى ۇلتتىق بانكتىڭ ءباسپاسوز قىزمەتى.
قازاقستاننىڭ تولەم كارتالارى نارىعىنىڭ كورسەتكىشى قارقىندى ءوسىپ كەلەدى. جەرگىلىكتى كارتالار ارقىلى بارلىعى 52 تريلليون تەڭگەگە 3,2 ميلليارد وپەراتسيا جاسالدى. بۇل 2019 جىلعا قاراعاندا 1,7 ەسە جوعارى.
"تولەم كارتالارىمەن جاسالعان ون ترانزاكتسيانىڭ توعىزى قولما-قول اقشاسىز جاسالعان. 2020 جىل ىشىندە قازاقستاندىق ەميتەنتتەردىڭ تولەم كارتالارىن قولدانا وتىرىپ، 35,3 تريلليون تەڭگەگە 2,9 ميلليارد قولما-قول اقشاسىز وپەراتسيا جۇزەگە اسىرىلدى. بۇل 2019 جىلعى كورسەتكىشتەن سايكەسىنشە 2,4 جانە 2,5 ەسە ارتىق", - دەپ جازىلعان حابارلامادا.
قولما-قول اقشاسىز وپەراتسيالار مەن ونلاين ساۋدانىڭ ءوسۋى پاندەميامەن بايلانىستىرىلىپ وتىر. كارتادان اقشا شەشىپ الۋ وپەراتسيالارى ازايعان. 2020 جىلى مۇنداي وپەراتسيالاردىڭ سانى 21%-كە كەمىدى (297 ملن وپەراتسيا). تولەم كارتالارىنىڭ يەلەرى 16,6 تريلليون تەڭگەنى قولما-قول اقشاعا اينالدىرعان.
بيىلعى جىلدىڭ 1 اقپانىنداعى مالىمەت بويىنشا اينالىمدا 49,3 ميلليون تولەم كارتاسى بار بولسا، ونىڭ جارتىسىنان استامى بەلسەندى پايدالانىلۋدا.
