ءماجىلىس دەپۋتاتى باقىتجان بازاربەك 900 مىڭ تەڭگە جالاقىسى جەتپەيتىنىن مالىمدەدى. بۇل تۋرالى ول جۋرناليستەردىڭ قويعان ساۋالىنا جاۋاپ بەرگەندە ايتتى، دەپ حابارلايدى "ادىرنا".
"قازىرگى جالاقى جەتپەۋى مۇمكىن. وزدەرىڭىز قاراڭىزدار: 500, 700, 800 مىڭ - كىمگە جەتەدى؟ اسىرەسە وتباسىندا 5–6 بالا بولسا. كەيبىر دەپۋتاتتارىمىزدىڭ 5–6 بالاسى بار", - دەدى ماجىلىسمەن.
ونىڭ ايتۋىنشا، تابىستىڭ قوماقتى بولىگى تۇرمىستىق شىعىندارعا، بالاباقشا، ۇيىرمە اقىسىنا جانە تاعى باسقالارعا جۇمسالادى.
"بالانى بالاباقشاعا اپارۋ، ۇيىرمەلەرگە قاتىستىرۋ، كيىندىرۋ - سونىڭ وزىنە 300 مىڭ كەتەدى. ال ازىق-تۇلىك باعاسىنىڭ ءوسىپ جاتقانىن ەسكەرسەك، ميلليون تەڭگە دە جەتپەيدى", - دەدى دەپۋتات.
بازاربەك سونداي-اق جۋرناليستەرگە ءوزىنىڭ "900 مىڭنان استام تەڭگە" الاتىنىن ايتتى.
"جەكە ماعان جەتپەيدى. سوندىقتان جۇبايىمنان دا جۇمىس ىستەۋىن ءوتىندىم، بولدى", - دەپ تولىقتىردى ول.
