2026 جىلعى 14 مامىر كۇنى وبلىس اكىمىنىڭ ورىنباسارى ا. ع. مايلىباەۆتىڭ توراعالىعىمەن وبلىس اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ وتىرىسى ءوتتى. كوميسسيا وتىرىسىنا كوميسسيا مۇشەلەرى، باسقارما باسشىلارى، اۋدان، قالا اكىمدەرىنىڭ ورىنباسارلارى قاتىستى.
كۇن تارتىبىندە ايەلدەر جۇمىسسىزدىعىن تومەندەتۋ، وتباسى ينستيتۋتىن نىعايتۋ جانە ايەلدەردىڭ قوعامدىق-ساياسي ومىردەگى ءرولىن ارتتىرۋ سياقتى ءوڭىردىڭ الەۋمەتتىك-ەكونوميكالىق دامۋى ءۇشىن ستراتەگيالىق ماڭىزى بار بىرقاتار ماسەلەلەر قارالدى. وبلىس اكىمىنىڭ ورىنباسارى ع.ا. مايلىباەۆ: «وبلىستا حالىقتىڭ جارتىسىنان استامىن ايەلدەر ەكەنىن ەسكەرسەك، بۇل ەڭبەك الەۋەتىنىڭ نەگىزگى بولىگى. سوندىقتان ايەلدەردىڭ ەكونوميكالىق بەلسەندىلىگى مەن جۇمىسپەن قامتىلۋى – تەك الەۋمەتتىك ماسەلە عانا ەمەس، ءوڭىر دامۋىنىڭ ستراتەگيالىق فاكتورى. بۇل باعىتتا ءبىز تەك ساندىق كورسەتكىشكە ەمەس، ايەلدەردىڭ تۇراقتى ءارى ساپالى جۇمىسپەن قامتىلۋىنا باسىمدىق بەرۋىمىز قاجەت. سەبەبى «باقىتتى انا - باقىتتى بالا» - دەدى.
وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ مىندەتىن اتقارۋشى ەرجان بايقونىس ايەلدەردى تۇراقتى جۇمىسپەن قامتۋ جانە قايتا دايارلاۋ شارالارى تۋرالى، وبلىستىق ىشكى ساياسات باسقارماسى باسشىسىنىڭ ورىنباسارى مەدعات قابدىقايروۆ انالار كەڭەسىنىڭ اتقارعان جۇمىستارىنا توقتالىپ، مەملەكەتتىك الەۋمەتتى تاپسىرىس شەڭبەرىندە اتقارىلعان ءىس-شارالار تۋرالى باياندادى. بالقاش جانە تالعار اۋداندارى اكىمدەرىنىڭ ورىنباسارلارى جەرگىلىكتى جەرلەردە ايەلدەردىڭ ءرولىن ىلگەرىلەتۋ بويىنشا اتقارىلىپ جاتقان جۇمىستارمەن ءبولىستى.
كوميسسيانىڭ قورىتىندىسى بويىنشا الداعى جۇمىستىڭ جوسپارى جاسالىپ، قاتىسۋشىلارعا ناقتى تاپسىرمالار بەرىلدى، قابىلدانعان شەشىمدەر حاتتامامەن بەكىتىلدى.
