"الماتى" تەلەارناسىنىڭ اقپاراتىنا سايكەس، دارىگەردىڭ باسىنان قاتتى سوققى العانى ەسىندە قالعان:
ء"الى دە جاعدايىم اۋىر، باسىم اۋىرادى. كوزىم مازالايدى. تۇرۋ دا قيىن بولىپ تۇر. ەسىمدە قالعانى، اۋەلى باسىمنان ۇردى، مەن جىعىلعاندا باسىمنان تەۋىپ جاتقان. قالعانى ەسىمدە جوق", - دەدى بولعان جايتقا قاتىستى زارداپ شەككەن دارىگەر نۇرداۋلەت ەۆاديللا.
سوققىعا جىعىلعان ارىپتەستەرىنىڭ قانداي جاعدايدا ەكەندىگىن باس دارىگەردىڭ ورىنباسارى دا حابارلادى. ونىڭ ايتۋىنشا، دارىگەرلەرگە وتا جاساۋ قاجەت:
"رەانيماتسيا بولىمشەسىنەن تراۆماتولوگيا بولىمشەسىنە اۋىستىردىق. ەكىنشى ارىپتەسكە كەلەسى اپتادا مۇرنىنا وتا جاساۋ كەرەك. بەت-جاق سۇيەكتەرىن تەكسەرىپ، سوسىن وتا تۋرالى شەشىم قابىلدايمىز", - دەدى تالعار اۋداندىق ورتالىق اۋرۋحاناسى باس دارىگەرىنىڭ ورىنباسارى عالىمجان ەسەناليەۆ.
رەتى كەلگەندە ايتا كەتەيىك، قازاقستاندا سوڭعى كەزدەرى دارىگەرلەرگە قارسى جاسالعان دەرەكتەر ءجيى تىركەلەدى. وسى جىلدىڭ تامىز ايىندا قاراساي اۋداندىق اۋرۋحاناداسىندا جۇمىس ىستەيتىن مەدبيكەنى پىشاقتالىپ، قاپىدا قايتىس بولدى. جۇمىس ۋاقىتىندا مەكەمەگە وپ-وڭاي كىرىپ، ويىنا كەلگەنىن ىستەگەن 42 جاستاعى كۇدىكتى قازىر قاماۋدا وتىر.
ەستەرىڭىزدە بولسا، كەشە اق حالاتتىلارعا جۇدىرىق الا جۇگىرگەن شىمكەنتتىك ازاماتتىڭ ۆيدەوسى جەلىدە تارادى. اۋرۋحاناعا ەم ىزدەپ كەلگەن ناۋقاستىڭ دارىگەر مەن سانيتاريالىق قىزمەتكەردى ۇرىپ- سوققانى ايتىلدى.
"ادىرنا" ۇلتتىق پورتالى
