«ادىرنا» ۇلتتىق پورتالى ماڭعىستاۋ وبلىسىنا ارنايى ساپار جاساپ، وبلىس اكىمى نۇرداۋلەت قيلىبايمەن كەڭ كولەمدى سۇحبات وتكىزدى. اڭگىمە بارىسىندا ءوڭىر باسشىسى بالالىق شاعىنان باستاپ، ەڭبەك جولى، مەملەكەتتىك قىزمەتتەگى تاجىريبەسى جانە قازىرگى الەۋمەتتىك-ەكونوميكالىق ماسەلەلەرگە قاتىستى پىكىرىن ورتاعا سالدى.
سۇحباتتا اۋەلى اكىمنىڭ قاراپايىم بولمىسى مەن ءومىر جولىنا قاتىستى سۇراقتار قويىلدى. ول بالالىق شاعىندا بولعان قىزىق وقيعالارىن، العاشقى ەڭبەك تاجىريبەسىن جانە تەمىرجول سالاسىنا قالاي كەلگەنىن ەسكە الدى. سونداي-اق اسكەردەگى قىزمەتىنىڭ ومىرىنە اسەرى تۋرالى دا پىكىر ءبىلدىردى.
اڭگىمە بارىسىندا نۇرداۋلەت قيلىباي جەكە تاجىريبەسىنە توقتالىپ، قوعامداعى سىن مەن الەۋمەتتىك جەلىدەگى پىكىرلەرگە دە جاۋاپ بەردى. سونىمەن قاتار، وڭىردەگى جۇمىسسىزدىق، اۋىزسۋ تاپشىلىعى، دەنساۋلىق ساقتاۋ جانە ينفراقۇرىلىم ماسەلەلەرى بويىنشا اتقارىلىپ جاتقان جۇمىستار جونىندە ايتتى.
سۇحباتتا ماڭعىستاۋدىڭ تۋريستىك الەۋەتى، سونىڭ ىشىندە بوزجىرا سياقتى تابيعي نىسانداردى دامىتۋ ماسەلەسى دە كوتەرىلدى. اكىم بۇل باعىتتاعى جوبالار مەن جوسپارلار تۋرالى اقپارات بەردى.
