«ادىرنا» پورتالى YouTube ارناسىنىڭ كەزەكتى قوناعى – جازۋشى، تاريحشى قويشىعارا سالعاراۇلى. اڭگىمە بارىسىندا قالامگەر تاريحتى تانۋدىڭ ماڭىزى، ۇلتتىق سانا، قازاق قوعامىنىڭ وتكەنى مەن بۇگىنى، ۇرپاق تاربيەسى جانە ەلدىڭ وركەندەۋ جولى تۋرالى وي قوزعادى.
سۇحباتتا ول ءوزىنىڭ ءومىر جولىنا توقتالىپ، قوي باعىپ جۇرگەن بالا كەزىنەن باستاپ، قازاق راديوسىنىڭ قوستاناي وبلىسىنداعى مەنشىكتى ءتىلشىسى بولعان كەزەڭىنە دەيىنگى ەستەلىكتەرىمەن ءبولىستى. سونداي-اق احمەت بايتۇرسىنۇلىنىڭ اۋىلىنان شىققانىن، الايدا بالا كەزىندە ۇلت ۇستازىنىڭ كىم ەكەنىن بىلمەگەنىن اڭگىمەلەدى.
سۇحبات بارىسىندا جاپون حالقىنىڭ دامۋ تاجىريبەسى، ۇلتتىق ءداستۇر مەن ەۋروپالىق ءبىلىمدى ۇشتاستىرۋ، بالا تاربيەسىندەگى قوعامدىق ورتانىڭ ءرولى دە ءسوز بولدى. سونىمەن قاتار قويشىعارا سالعاراۇلى تۇركى وركەنيەتىنىڭ الەمدىك تاريحتاعى ورنىنا توقتالىپ، قازاق تاريحىنا قاتىستى قالىپتاسقان كەيبىر كوزقاراستاردى تالقىلادى.
تاريحشى كەنەسارى حاننىڭ قىرعىزدارمەن قارىم-قاتىناسى، قازاق حالقىنىڭ قالىپتاسۋى جانە ىبىراي ءالتىنساريننىڭ ومىرىنە قاتىستى ساۋالدارعا دا جاۋاپ بەردى. اڭگىمە سوڭىندا جاستارعا اقىل-كەڭەسىن ايتىپ، ادامدىق قاسيەتتى ساقتاپ، ەلگە پايدالى ازامات بولۋدىڭ ماڭىزىن اتاپ ءوتتى.
تولىق سۇحباتتى «ادىرنا» پورتالىنىڭ YouTube ارناسىنان كورە الاسىز.
