«Adyrna» portaly YouTube arnasynyŋ kezektı qonaǧy – jazuşy, tarihşy Qoişyǧara Salǧaraūly. Äŋgıme barysynda qalamger tarihty tanudyŋ maŋyzy, ūlttyq sana, qazaq qoǧamynyŋ ötkenı men bügını, ūrpaq tärbiesı jäne eldıŋ örkendeu joly turaly oi qozǧady.
Sūhbatta ol özınıŋ ömır jolyna toqtalyp, qoi baǧyp jürgen bala kezınen bastap, Qazaq radiosynyŋ Qostanai oblysyndaǧy menşıktı tılşısı bolǧan kezeŋıne deiıngı estelıkterımen bölıstı. Sondai-aq Ahmet Baitūrsynūlynyŋ auylynan şyqqanyn, alaida bala kezınde ūlt ūstazynyŋ kım ekenın bılmegenın äŋgımeledı.
Sūhbat barysynda japon halqynyŋ damu täjıribesı, ūlttyq dästür men europalyq bılımdı ūştastyru, bala tärbiesındegı qoǧamdyq ortanyŋ rölı de söz boldy. Sonymen qatar Qoişyǧara Salǧaraūly türkı örkenietınıŋ älemdık tarihtaǧy ornyna toqtalyp, qazaq tarihyna qatysty qalyptasqan keibır közqarastardy talqylady.
Tarihşy Kenesary hannyŋ qyrǧyzdarmen qarym-qatynasy, qazaq halqynyŋ qalyptasuy jäne Ybyrai Altynsarinnıŋ ömırıne qatysty saualdarǧa da jauap berdı. Äŋgıme soŋynda jastarǧa aqyl-keŋesın aityp, adamdyq qasiettı saqtap, elge paidaly azamat boludyŋ maŋyzyn atap öttı.
Tolyq sūhbatty «Adyrna» portalynyŋ YouTube arnasynan köre alasyz.
