پرەزيدەنت اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ "يرينا كايراتوۆنا" توبىنىڭ رەسەيلىك جۋرناليست يۋري دۋدكە بەرگەن سۇحباتىنا قاتىستى پىكىر ءبىلدىردى، - دەپ حابارلايدى "ادىرنا" ۇلتتىق پورتالى.
Open Dialogue 2.0 جوباسى كەزىندە داۋرەن اباەۆ "يرينا كايراتوۆنا" توبىنىڭ مۇشەلەرى "قازاقستان پاتريوتتارى" بولىپ سانالا ما دەگەن سۇراققا جاۋاپ بەردى.
"يرينا كايراتوۆنا" مەن يۋري ءدۋدتىڭ سۇحباتىن كوردىڭىز بە؟
- تولىق ەمەس.
- بۇل جىگىتتەر ءوز ەلىنىڭ پاتريوتتارى دەپ ويلايسىز با؟
- كورگەنىم مەن ەستىگەنىمە قاراعاندا، ءيا.
- ولار بيلىكتى قاتتى سىنعا الدى، ءسىز بۇعان قالاي قارايسىز؟
- بۇل ولاردىڭ قۇقىعى. ءبىزدىڭ ەلدە بيلىكتى سىناعان العاشقى ادامدار ەمەس. وركەنيەتتى الەم ءۇشىن بۇل قالىپتى جاعداي. ارينە، مەن كەيبىر تەزيستەرمەن كەلىسپەيمىن، بىراق كەيبىر تۇستارىن الىپ قاراساق ورىندى، كەلىسۋگە تۇرارلىق جەرلەرى دە بار. جالپى، كوپتەگەن دۇرىس نارسەلەر ايتىلدى. ال ءبىز بۇل ءۇشىن ولارعا قول شاپالاقتاپ، قولداۋ كورسەتە الامىز.
بۇل جەردە ەڭ باستىسى - جىگىتتەردىڭ ەل تاعدىرىنا نەمقۇرايلى قاراماۋى.
مەنىڭ ويىمشا، ءبىزدىڭ جاڭا مادەني تولقىنىمىز ەندى باستالدى. سوڭعى جىلدارى شىعارماشىل جاستاردىڭ جاڭا بۋىنى ءوسىپ، شىڭدالۋدا. بۇل انشىلەر، اكتەرلەر، جۇزۋشىلەر عانا ەمەس، سونىمەن قاتار جاڭا جاس سۋرەتشىلەردىڭ، اكتەرلەردىڭ، تەاتر مەن كينورەجيسسەرلاردىڭ، فوتوگرافتاردىڭ جانە ت.ب. ونەر يەلەرىنىڭ قاتارى جاستارمەن تولىعۋى.
ولاردىڭ كوپشىلىگى قازاق ءتىلىن تانىمال ەتۋگە ۇلكەن ۇلەس قوسادى. ءتىلىمىزدى ءساندى ءارى تانىمال ەتەدى.
شىعارماشىلىقتارىنان بولەك، ولار ءوز ومىرلىك ۇستانىمدارىن ءجيى جاريالايدى.
"ادىرنا" ۇلتتىق پورتالى
