رەسەيدىڭ قارجى مينيسترلىگى ۇكىمەت قاراۋىنا سالىق كودەكسىنە جەكەلەگەن وزگەرىستەر ەنگىزۋدى كوزدەيتىن زاڭ جوباسىن ۇسىندى، دەپ حابارلايدى «ادىرنا» ءتىلشىسى.
قۇجاتتا ققس مولشەرلەمەسىن 20%-دان 22%-عا دەيىن كوتەرۋ ماسەلەسى ايتىلعان.
ەنگىزىلگەن زاڭ جوبالارىنىڭ پاكەتى 2025 جىلعا ارنالعان بيۋدجەت تۋرالى زاڭعا تۇزەتۋلەردى، 2026 جىلعا ارنالعان فەدەرالدىق بيۋدجەت تۋرالى زاڭ جوباسىن جانە 2027–2028 جىلداردىڭ جوسپارلى كەزەڭىن، سونداي-اق بيۋدجەت جانە سالىق كودەكستەرىنە جەكەلەگەن وزگەرىستەر ەنگىزۋ تۋرالى زاڭ جوبالارىن قامتىماق.
ال ققس وسىمىنەن تۇسەتىن قاراجات، ەڭ الدىمەن، قورعانىس پەن قاۋىپسىزدىكتى قارجىلاندىرۋعا باعىتتالماق.
سونىمەن بىرگە الەۋمەتتىك ماڭىزى بار تاۋارلار – ازىق-تۇلىك ونىمدەرى، ءدارى-دارمەكتەر مەن مەديتسينالىق بۇيىمدار، بالالارعا ارنالعان تاۋارلار جانە باسقالارى ءۇشىن 10%-دىق جەڭىلدەتىلگەن ققس مولشەرلەمەسى ساقتالادى.
ەگەر تۇزەتۋلەر قابىلدانسا، سالىق كودەكسىندەگى وزگەرىستەر 2026 جىلعى 1 قاڭتاردان باستاپ كۇشىنە ەنەدى.
قارجى ساراپشىلارىنىڭ باعالاۋىنشا، ققس مولشەرلەمەسىن كوتەرۋ باستاماسى رەسەي بيۋدجەتىنە جىلىنا قوسىمشا 1 ترلن رۋبل اكەلمەك.
