ۋكراينا پرەزيدەنتى ۆلاديمير زەلەنسكي ABC News ارناسىنا بەرگەن سۇحباتىندا رەسەيدىڭ ستراتەگيالىق اۋە كۇشتەرىنە قارسى باعىتتالعان ارنايى وپەراتسيا تۋرالى ايتتى، دەپ حابارلايدى "ادىرنا" ۇلتتىق پورتالى DW-عا سىلتەپ.
ونىڭ ايتۋىنشا، رەسەيدەگى جۇك كولىكتەرىنىڭ جۇرگىزۋشىلەرى ءوز كولىكتەرىنە ۇشقىشسىز دروندارعا ارنالعان جاسىرىن قۇرىلعىلار ورناتىلعانىن بىلمەگەن.
«ولار (جۇك كولىگىنىڭ جۇرگىزۋشىلەرى) ەشتەڭە بىلمەدى. ولار تەك ءوز جۇمىستارىن اتقاردى»، — دەدى ۋكراينا پرەزيدەنتى.
زەلەنسكي وپەراتسيا بارىسىندا تەك ۋكراينادا وندىرىلگەن قۇرال-جابدىقتار مەن قارۋ-جاراق قولدانىلعانىن باسا ايتتى.
«مەن ءوزىمىزدىڭ ءوندىرىستى عانا پايدالانۋدى قالادىم. بۇل ايىرماشىلىق ناقتى بولۋى ءتيىس ەدى»، — دەدى ول.
اقش بارلاۋ قىزمەتىنىڭ دەرەكتەرىنە سۇيەنسەك، 2025 جىلعى 1 ماۋسىمداعى اۋە شابۋىلدارىنىڭ ناتيجەسىندە رەسەيدىڭ 20-عا جۋىق اسكەري ۇشاعى ىستەن شىققان. ونىڭ كەمىندە 10-ى تولىعىمەن جويىلعان.
ناتو دەرەگىنە ساي، ۋكراينا رەسەيدىڭ 10-13 ستراتەگيالىق ۇشاعىن جويىپ، 40-تان استام اۋە كەمەسىن جارامسىز كۇيگە تۇسىرگەن. ونىڭ ىشىندە تۋ-95, تۋ-22م3 بومبالاۋشى ۇشاقتارى جانە ا-50 راديولوكاتسيالىق بارلاۋ ۇشاعى بار.
جالپى كەلتىرىلگەن شىعىن 2–7 ميلليارد دوللار كولەمىندە باعالانۋدا.
