كرەمل رەسەيدىڭ مينسكىدە ۋكراينامەن كەلىسسوز جۇرگىزۋ ءۇشىن دەلەگاتسيا جىبەرۋگە دايىن ەكەنىن مالىمدەدى، دەپ حابارلايدى "ادىرنا" سايتى Stan.kz اقپارات اگەنتتىگىنە سىلتەپ.
بۇعان دەيىن پرەزيدەنت ۆلاديمير زەلەنسكي پۋتينگە كەلىسسوز ۇستەلىنە وتىرۋدى ۇسىنعان ۇندەۋ جولداعان بولاتىن.
"مەن رەسەي فەدەراتسياسىنىڭ پرەزيدەنتىنە تاعى دا ءوتىنىش بىلدىرگىم كەلەدى. بۇكىل ۋكراينادا ۇرىس ءجۇرىپ جاتىر. ادامداردىڭ ءولىمىن توقتاتۋ ءۇشىن كەلىسسوز ۇستەلىنە وتىرايىق", – دەدى ول.
ءبىر كۇن بۇرىن رەسەيدىڭ ۋكرايناعا باسىپ كىردى.
ءپۋتيننىڭ بەيسەنبى كۇنى ۋكراينادا ارنايى اسكەري وپەراتسيا باستالعانىن حابارلاعان.
ەندى ول رەسەي قاۋىپسىزدىك كەڭەسىنىڭ تۇراقتى مۇشەلەرىمەن كەزدەسۋىندە تاعى دا ماڭىزدى مالىمدەمە جاسادى.
"مەن ۋكراينا قارۋلى كۇشتەرىنىڭ اسكەري قىزمەتشىلەرىنە تاعى دا ءوتىنىش ايتامىن. بەندەروۆتس جانە نەوناتسيستەردىڭ بالالارىڭىز، ايەلدەرىڭىز بەن قارتتارىڭىزدى ءتىرى قالقان رەتىندە پايدالانۋىنا جول بەرمەڭىزدەر. بيلىكتى ءوز قولدارىڭىزعا الىڭىزدار!" - دەيدى پۋتين.
پۋتين كىمدەردى "بەندەروۆتس" جانە "نەوناتسيستەر" دەپ اتاعانىن ناقتىلامادى.
سونداي-اق رەسەي پرەزيدەنتى اسكەري توڭكەرىستى مەڭزەپ تۇرعانى دا بەلگىسىز.
كرەمل وكىلى رەسەيدىڭ ۋكراينامەن كەلىسسوزدەر ءۇشىن مينسكىگە دەلەگاتسيا جىبەرۋگە دايىن ەكەنىن مالىمدەدى.
"بۇل پوزيتيۆكە باعىتتالعان قوزعالىس. ەندى ءبىز ونى تالداۋىمىز كەرەك. ازىرگە ارتىق ايتا المايمىن", - دەدى پەسكوۆ كۇندەلىكتى بريفينگتە.
كەيىن ول ماسكەۋدىڭ مينسكىدە كيەۆپەن كەلىسسوزدەرگە دايىن ەكەنىن مالىمدەدى جانە زەلەنسكيدىڭ ءسوزىن تاعى دا "ۋكراينانىڭ بەيتاراپ مارتەبەسىن تالقىلاۋعا دايىن ەكەنىن مالىمدەگەندەي" ءتۇسىندىردى.
"وسى تۇرعىدا زەلەنسكيدىڭ ۇسىنىسىنا جاۋاپ رەتىندە ۆلاديمير پۋتين ۋكراينا دەلەگاتسياسىمەن كەلىسسوزدەر جۇرگىزۋ ءۇشىن مينسكىگە قورعانىس مينيسترلىگى، سىرتقى ىستەر مينيسترلىگى جانە پرەزيدەنت اكىمشىلىگى وكىلدەرى دەڭگەيىندە رەسەيلىك دەلەگاتسيانى جىبەرۋگە دايىن", - دەدى ول.
"ادىرنا" ۇلتتىق پورتالى
