«ادىرنا» پورتالىنىڭ YouTube ارناسىنا كاسىپكەر ءارى بيزنەس-ترەنەر سەرىك اباي قوناق بولىپ، كاسىپكەرلىك، ۇلتتىق مۇددە جانە كوشى-قون ماسەلەلەرى جونىندە سۇحبات بەردى.
قىتايدان قازاقستانعا قونىس اۋدارعان كاسىپكەر كوشى-قون سالاسىنا ارالاسۋ سەبەپتەرىن ءتۇسىندىرىپ، قازاقتىڭ كوشىن توقتاتۋعا ەشكىمنىڭ حاقىسى جوق ەكەنىن اتاپ ءوتتى. ونىڭ ايتۋىنشا، ۇلتقا قىزمەت ەتكىسى كەلگەن ادام الدىمەن ءوز جاعدايىن جاقسارتىپ، وزگەلەرگە كومەكتەسۋگە قاۋقارلى بولۋى كەرەك.
سۇحبات بارىسىندا ول بيزنەس جۇرگىزۋدىڭ باستى ماقساتى ادامداردىڭ ماسەلەسىن شەشۋ ەكەنىن ايتىپ، كاسىپكەردى ء«ۇمىت ساتۋشى» دەپ سيپاتتادى. سونىمەن قاتار تابىسقا جەتۋ ءۇشىن ادامنىڭ ءوزى جاقسى كورەتىن ىسپەن اينالىسۋى ماڭىزدى ەكەنىن جەتكىزدى. سەرىك اباي ءبىلىم مەن ءوزىن-ءوزى دامىتۋعا دا ەرەكشە ءمان بەرەتىنىن ايتىپ، سوڭعى ون جىلدا وقۋعا 100 ميلليون تەڭگە ينۆەستيتسيا سالعانىن مالىمدەدى.
سۇحباتتىڭ تولىق نۇسقاسىن Adyrna ulttyq portaly YouTube ارناسىنان كورە الاسىز.
