«ادىرنا» YouTube ارناسىنىڭ كەزەكتى قوناعى – ساياساتتانۋشى، ەكونوميست ءارى ساراپشى جانۇزاق اكىم. سۇحبات بارىسىندا ول اقش پرەزيدەنتى دونالد ترامپتىڭ ساياساتى، رەسەي مەن باتىس اراسىنداعى قارىم-قاتىناس، ەۋروپاداعى نارازىلىقتار جانە ۋكرايناداعى سوعىس تۋرالى پىكىر ءبىلدىردى.
ساراپشى فرانتسياداعى كوتەرىلىستەردىڭ سەبەپتەرىنە توقتالىپ، ەۋروپاداعى دەموگرافيالىق احۋال مەن جاستار سانىنىڭ ازايۋى قۇرلىقتىڭ بولاشاعىنا قالاي اسەر ەتەتىنىن تالقىلادى. سونىمەن قاتار قازاقستاننىڭ ەكونوميكالىق جاعدايى، تاريفتەردىڭ ءوسۋى، سىرتقى قارىز، قارجىنىڭ شەتەلگە شىعارىلۋى جانە مۇناي كومپانيالارىمەن اراداعى داۋلار ماسەلەسىن كوتەردى.
جانۇزاق اكىم اۋىل شارۋاشىلىعىنىڭ ەل ەكونوميكاسىنداعى ۇلەسى تومەن ەكەنىن ايتىپ، اۋىلداردى دامىتپاي قازاقستاننىڭ وركەندەۋى قيىن ەكەنىن اتاپ ءوتتى. سونداي-اق ول الماتىنىڭ قارقىندى ءوسۋى، قالاداعى حالىق سانىنىڭ ارتۋى جانە سەل قاۋپى تۋرالى ءسوز قوزعادى.
