استانادا بالالار اۋرۋحاناسىنان ءورت شىقتى. بۇل تۋرالى توتەنشە جاعدايلار مينيسترلىگى ايتتى، دەپ حابارلايدى «ادىرنا» ءتىلشىسى.
وقىس وقيعا 25 مامىرعا قاراعان ءتۇنى سارايشىق اۋدانى قوشقارباەۆ كوشەسى بويىنداعى بالالار اۋرۋحاناسىنىڭ عيماراتىندا بولعاندا. تجم مالىمەتىنشە، جەرتولەدەگى ەلەكتر قالقانىندا ءورت شىققان.
«حابارلاما تۇسكەننەن كەيىن 2 مينۋت ىشىندە العاشقى ءورت ءسوندىرۋ بولىمشەلەرى وقيعا ورنىنا جەتىپ، ءورتتى سوندىرۋگە دەرەۋ كىرىستى. قاۋىپسىزدىك ماقساتىندا پەرسونال مەن ناۋقاستار ەۆاكۋاتسيالانىپ، جاقىن ماڭداعى مەديتسينالىق مەكەمەلەرگە ۋاقىتشا ورنالاستىرىلدى. ءورت ءسوندىرۋ شتابى قۇرىلىپ، جىلىتۋ پۋنكتى ۇيىمداستىرىلدى»،– دەدى مينيسترلىك.
قۇتقارۋشىلاردىڭ ۇيلەسىمدى ارەكەتتەرىنىڭ ارقاسىندا ءورت 10 شارشى مەتر اۋماقتا تولىق سوندىرىلگەن. زارداپ شەككەندەر جوق، سەبەبى انىقتالۋدا.
