بۇگىن قىزىلوردا قالاسىنداعى «قورقىت اتا» مەموريالدى اللەياسىندا «جاسىل ەل» جاستار ەڭبەك جاساقتارىنىڭ كەزەكتى ەڭبەك ماۋسىمىنىڭ سالتاناتتى اشىلۋ ءراسىمى ءوتتى.
اشىلۋ سالتاناتىنا وبلىستىق قوعامدىق دامۋ باسقارماسىنىڭ باسشىسى رۋسلان كايۋپوۆ، جاستار ۇيىمدارىنىڭ وكىلدەرى، ەرىكتىلەر، ەڭبەك جاساقتارىنىڭ ساربازدارى جانە بەلسەندى جاستار قاتىستى.
سالتاناتتى جيىندا باسقارما باسشىسى جاستاردى جاڭا ەڭبەك ماۋسىمىنىڭ باستالۋىمەن قۇتتىقتاپ، «جاسىل ەل» جوباسىنىڭ قوعامداعى ماڭىزى مەن تاربيەلىك مانىنە ەرەكشە توقتالدى.
سونىمەن قاتار، قورشاعان ورتانى قورعاۋ، تۋعان جەردى تازا ۇستاۋ جانە ەكولوگيالىق مادەنيەتتى قالىپتاستىرۋ باعىتىندا جاستارمەن تۇشىمدى وي-پىكىرلەرىمەن ءبولىستى.
«جاسىل ەل» – بۇل تەك ماۋسىمدىق جۇمىس نەمەسە ۋاقىتشا ەڭبەك الاڭى عانا ەمەس. بۇل – جاستاردىڭ تۋعان جەرگە دەگەن سۇيىسپەنشىلىگىن ارتتىرىپ، ەڭبەكقورلىق پەن جاۋاپكەرشىلىك قاسيەتتەرىن قالىپتاستىراتىن ماڭىزدى قوعامدىق باستاما.
مەملەكەت باسشىسى قاسىم-جومارت كەمەلۇلى توقاەۆ «تازالىق – وركەنيەتتى قوعامنىڭ ايناسى، دامۋعا ۇمتىلعان كەز كەلگەن ەلدىڭ مىزعىماس ۇستانىمى. اق پەيىلمەن، ءتۇزۋ نيەتپەن قولعا العان ءاربىر ءىس بەرەكەلى بولادى» دەپ اتاپ وتكەن بولاتىن.
بۇگىندە «جاسىل ەل» ساربازدارى قاجەتتى ارنايى كيىمدەرمەن، قۇرال-جابدىقتارمەن جانە ەڭبەككە قاجەتتى بارلىق جابدىقتارمەن تولىق قامتاماسىز ەتىلۋدە.
بۇل – جاستاردىڭ قاۋىپسىز ءارى ناتيجەلى ەڭبەك ەتۋىنە جاسالعان ناقتى قولداۋ. سىزدەردى تۋعان جەرىمىزدىڭ گۇلدەنۋى جولىندا ايانباي ەڭبەك ەتۋگە، تابيعاتتى ايالاۋعا، قورشاعان ورتاعا جاناشىرلىقپەن قاراۋعا جانە قوعامدىق تازالىق مادەنيەتىن قالىپتاستىرۋعا شاقىرامىن»، – دەدى رۋسلان مۇحامەدالىۇلى.
شارا بارىسىندا جاستارعا ارنايى ەڭبەك قۇرالدارى مەن قاجەتتى جابدىقتار تابىستالدى.
سونىمەن قاتار، ەڭبەك جاساقتارىنىڭ مۇشەلەرى «قورقىت اتا» مەموريالدى اللەياسى اۋماعىندا تازالىق جۇمىستارىن جۇرگىزىپ، اباتتاندىرۋ ىسىنە بەلسەندى اتسالىستى.
سونداي-اق، «تازا قازاقستان» جالپىۇلتتىق ەكولوگيالىق باعدارلاماسىنا بەلسەندى قاتىسىپ جۇرگەن بىرقاتار جاستار وبلىس اكىمىنىڭ ارنايى «العىس حاتتارىمەن» ماراپاتتالدى.
ايتا كەتۋ قاجەت، «جاسىل ەل» جوباسى جاستاردى ماۋسىمدىق جۇمىسپەن قامتىپ قانا قويماي، ولاردى ەڭبەككە باۋلۋ، تۋعان جەرگە جاناشىرلىقپەن قاراۋ جانە ەكولوگيالىق مادەنيەتتى قالىپتاستىرۋ باعىتىندا ماڭىزدى ءرول اتقارىپ كەلەدى.
بۇگىندە بۇل باستاما جاستاردىڭ قوعامدىق بەلسەندىلىگىن ارتتىرىپ، ەل دامۋىنا ءوز ۇلەسىن قوساتىن ماڭىزدى الەۋمەتتىك جوباعا اينالدى.
