الماتى وبلىسىندا «تازا قازاقستان» باعدارلاماسى اياسىندا قاتتى تۇرمىستىق قالدىقتاردى قايتا وڭدەۋ سالاسىندا جالپى قۇنى 148,8 ملرد تەڭگەنى قۇرايتىن 8 ءىرى ينۆەستيتسيالىق جوبانى ىسكە اسىرۋ جوسپارلانۋدا. بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا الماتى وبلىسىنىڭ تۇرعىن ءۇي-كوممۋنالدىق شارۋاشىلىق جانە اباتتاندىرۋ باسقارماسىنىڭ باسشىسى ديماش قوجابەكوۆ مالىمدەدى، – دەپ حابارلايدى الماتى وبلىسى اكىمىنىڭ ءباسپاسوز قىزمەتى.
وڭىردە سانيتارلىق تازالاۋ جانە ستيحيالىق قوقىس ۇيىندىلەرىن جويۋمەن قاتار، جەكە ينۆەستيتسيالاردى تارتا وتىرىپ، قالدىقتاردى قايتا وڭدەۋدىڭ زاماناۋي تولىققاندى جۇيەسىن قالىپتاستىرۋعا باسىمدىق بەرىلۋدە. جوسپارلانعان جوبالار قاتارىندا ەلەكتر ەنەرگياسىن وندىرەتىن قوقىس جاعۋ زاۋىتىنىڭ قۇرىلىسى، تاعام قالدىقتارىن وڭدەۋ كەشەنىن ىسكە قوسۋ، قوقىستى سۇرىپتاۋ كەشەنى مەن بيوەلەكتر ستانتسياسىن سالۋ كوزدەلگەن. سونداي-اق بۇل جوبالار جۇزەگە اسقاندا 300-دەن استام جاڭا جۇمىس ورىندارى اشىلادى.
سونىمەن قاتار وڭىردە قايتالاما شيكىزاتتى قايتا وڭدەۋمەن اينالىساتىن بىرقاتار كاسىپورىن جۇمىس ىستەپ تۇر. قازىرگى تاڭدا الماتى وبلىسىندا پلاستيك، ماكۋلاتۋرا، شىنى جانە توزعان اۆتودوڭگەلەكتەردى سۇرىپتاپ، قايتا وڭدەيتىن 6 ءىرى جانە بىرنەشە شاعىن كاسىپورىن بار. ولار جىل سايىن 184 مىڭ توننادان استام قالدىقتى سۇرىپتاپ، قايتا وڭدەيدى.
اتاپ ايتقاندا، پلاستيك قالدىقتارىن «P.T.Z.» كومپانياسى، ماكۋلاتۋرانى – «Kz.Recycling» كاسىپورنى وڭدەيدى. شىنى قالدىقتارىن جيناۋ جانە قايتا وڭدەۋمەن «Almaty Steklo» مەن «Qazaq Glass Company» اينالىسادى. ال توزعان اۆتودوڭگەلەكتەردى «ەكو تەحنولوگيا» جانە «Urban Core Beverly Hill Group» كومپانيالارى قايتا وڭدەيدى.
بۇدان بولەك، وڭىردە جاڭا ينۆەستيتسيالىق جوبالار جۇزەگە اسىرىلۋدا. «Urban Core Beverly Hill Group» كومپانياسى ءتۇرلى قالدىقتاردى قايتا وڭدەۋ ءوندىرىسىن كەڭەيتۋدى جوسپارلاپ وتىر. جوبانىڭ قۇنى – 48 ملرد تەڭگە. جاڭعىرتۋ جۇمىستارىنان كەيىن كاسىپورىن جىلىنا 40 مىڭ تونناعا دەيىن قالدىق وڭدەي الادى.
ەڭبەكشىقازاق اۋدانىندا « گۋاندۋن سۋچۋن» كومپانياسى قۇنى 3 ملرد تەڭگە بولاتىن قوقىس وڭدەۋ زاۋىتىن سالىپ جاتىر. سونداي-اق قاراساي اۋدانىندا «Kaz Waste Conversion» كومپانياسى قۇنى 15,5 ملرد تەڭگە بولاتىن قالدىقتاردى سۇرىپتاۋ جانە قايتا وڭدەۋ كەشەنىنىڭ قۇرىلىسىن جۇرگىزۋدە.
«تازا قازاقستان» باعدارلاماسى اياسىنداعى كوگالداندىرۋ جانە ەكولوگيالىق ينفراقۇرىلىمدى دامىتۋعا دا ەرەكشە كوڭىل بولىنۋدە. جىل باسىنان بەرى وبلىستا 103 مىڭنان استام اعاش وتىرعىزىلدى. بۇگىندە وڭىردە جالپى اۋماعى 69 مىڭ گەكتاردان اساتىن 20-دان استام ەكوپارك جۇمىس ىستەيدى. سونىمەن قاتار ەكولوگيالىق جانە تۋريستىك ايماقتاردى قۇرۋ بويىنشا جاڭا جوبالار ىسكە اسىرىلۋدا.
«تازا قازاقستان» باعدارلاماسى اياسىندا الماتى وبلىسىندا 2024–2029 جىلدارعا ارنالعان وڭىرلىك ءىس-شارالار جوسپارى جۇزەگە اسىرىلۋدا. جۇمىس سانيتارلىق تازالاۋ، ستيحيالىق قوقىس ورىندارىن جويۋ، قالدىقتاردى قايتا وڭدەۋ جۇيەسىن دامىتۋ جانە كوگالداندىرۋ سياقتى بىرنەشە باعىت بويىنشا جۇرگىزىلۋدە. ەكولوگيالىق قۇقىقبۇزۋشىلىقتاردىڭ الدىن الۋ ماقساتىندا وبلىس اۋماعىندا 9 مىڭنان استام بەينەباقىلاۋ كامەراسى ورناتىلدى. ال 2026 جىلى اۋماقتاردى سانيتارلىق تازالاۋعا جەرگىلىكتى بيۋدجەتتەن 1,5 ملرد تەڭگە ءبولىندى. سونىمەن قاتار وڭىردە قاتتى تۇرمىستىق قالدىقتاردى قايتا وڭدەۋ سالاسىنداعى جاڭا ينۆەستيتسيالىق جوبالار ىسكە اسىرىلۋدا»، – دەدى الماتى وبلىسىنىڭ تۇرعىن ءۇي-كوممۋنالدىق شارۋاشىلىق جانە اباتتاندىرۋ باسقارماسىنىڭ باسشىسى ديماش قوجابەكوۆ.
