قاراعاندىدا ەكى ستۋدەنت سۋعا باتىپ كەتتى، دەپ حابارلايدى "ادىرنا" ۇلتتىق پورتالى.
وقيعا 30 مامىر كۇنى فەدوروۆ سۋ قويماسىندا بولعان.
وبلىستىق تجد مالىمەتىنشە، كوز جۇمعاندار – 2004 جانە 2005 جىلى تۋعان ازاماتتار.
قۇتقارۋشىلاردىڭ ايتۋىنشا، ستۋدەنتتەر شومىلۋعا تىيىم سالىنعان جەردە سۋعا تۇسكەن. سۇڭگۋىرلەر ولاردىڭ دەنەسىن جاعالاۋدان 15 مەتر قاشىقتىقتا، شامامەن 5 مەتر تەرەڭدىكتەن تاپقان.
«وقيعا بولعان اۋماق شومىلۋعا ارنالماعان جانە دەمالۋشىلار ءۇشىن قاۋىپتى. سۋ تۇبىندە تەرەڭدىكتىڭ كۇرت وزگەرەتىن جەرلەرى بار. وقيعانىڭ ءمان-جايى انىقتالىپ جاتىر»، – دەپ مالىمدەدى وبلىستىق تجد ءباسپاسوز قىزمەتى.
ۇقساس جاڭالىقتار
