اتىراۋدا 14 جاستاعى ءجاسوسپىرىمدى ۇرىپ-سوعۋ دەرەگىنە بايلانىستى قىلمىستىق ءىس قوزعالدى. بۇل تۋرالى وڭىرلىك پوليتسيا دەپارتامەنتى ايتتى، دەپ حابارلايدى «ادىرنا» ءتىلشىسى.
30 مامىر كۇنى قالا تۇرعىنى قۇقىق قورعاۋ ورگاندارىنا ارىز تۇسىرگەن. ايەلدىڭ ايتۋىنشا، ءبىر توپ ءجاسوسپىرىم ونىڭ ۇلىن پاتەرگە الداپ كىرگىزگەن. ونىڭ سوزىنشە، وقۋشىنى زاڭسىز ۇستاپ، بىرنەشە ساعات بويى سوققىعا جىققان.
«قۇقىق بۇزۋشىلىققا قاتىسى بار 15-16 جاستاعى بارلىق ءجاسوسپىرىم انىقتالدى. ولار زاڭدى وكىلدەرىمەن بىرگە پوليتسيا باسقارماسىنا جەتكىزىلدى. قىلمىستىق ءىس قوزعالىپ، تەرگەۋ امالدارى باستالدى»، – دەلىنگەن حابارلامادا.
جاسوسپىرىمدەر ىشكى ىستەر ورگاندارىنىڭ ەسەبىنە الىنىپ، ءىس ماتەريالدارى كامەلەتكە تولماعانداردىڭ ىستەرى جونىندەگى كوميسسيانىڭ قاراۋىنا جولدانادى.
سونداي-اق اتا-انالار بالالارىن تاربيەلەۋ جونىندەگى مىندەتتەرىن تيىسىنشە ورىنداماعانى ءۇشىن اكىمشىلىك جاۋاپكەرشىلىككە تارتىلدى. اتالعان باپ بويىنشا 10 اەك 43 250 تەڭگە - رەد.) مولشەرىندە ايىپپۇل قاراستىرىلعان.
