1 ماۋسىم كۇنى «باتامەن كوتەرىلگەن كوك تۋ» پاتريوتتىق اكتسياسى اياسىندا بۋراباي اۋدانىندا جاستارعا ارنالعان تانىمدىق ەكسكۋرسياسى ءوتتى.
«قوعامدىق كەلىسىم» كمم قىزمەتكەرلەرى ۇيىمداستىرعان شارانىڭ ماقساتى – وسكەلەڭ ۇرپاقتىڭ بويىندا وتانسۇيگىشتىك سەزىمدى، مەملەكەتتىك رامىزدەرگە قۇرمەت پەن ۇلتتىق قۇندىلىقتارعا ادالدىقتى قالىپتاستىرۋ.
قاتىسۋشىلار بۋرابايدىڭ تاريحي-مادەني ورىندارىمەن تانىسىپ، بولەكتاۋ توبەسىنە كوتەرىلدى. مۇندا اقساقالدار كەڭەسىنىڭ مۇشەسى اماناي اسىلبايۇلى جاستارعا اق باتاسىن بەرىپ، ەل بىرلىگى مەن بولاشاق ۇرپاققا ىزگى تىلەك ارنادى. باتادان كەيىن مەملەكەتتىك تۋ سالتاناتتى تۇردە كوتەرىلدى.
شارا جاس بۋىننىڭ رۋحىن كوتەرىپ، پاتريوتتىق تاربيەنى نىعايتقان تاعىلىمدى كەزدەسۋ رەتىندە ەستە قالدى. ۇرپاقتار ساباقتاستىعى مەن كوك تۋ استىنداعى بىرلىك – ەل ەرتەڭىنىڭ بەرىك نەگىزى.
اۆتور اسلان وسپانوۆ.
