الماتى قالاسىنىڭ بوستاندىق اۋدانىندا قايعىلى جاعداي بولدى – ەر ادام بيىكتەن قۇلاپ، العان جاراقاتىنان كوز جۇمدى. قازىرگى ۋاقىتتا وقيعا بويىنشا تەكسەرىس جۇرگىزىلىپ جاتىر، دەپ حابارلايدى "ادىرنا".
پوليتسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، 37 جاستاعى ەر ادام ءوز پاتەرىنىڭ 11-قاباتىنان سەكىرىپ كەتكەن.
ونى العاش بولىپ تۇرعىن ءۇي كەشەنىنىڭ كۇزەتشىسى بايقاپ، بىردەن جەدەل جاردەم شاقىرىپ، العاشقى كومەك كورسەتۋگە تىرىسقان.
«وقيعا ورنىنا جەدەل جاردەم بريگاداسى مەن پوليتسيا قىزمەتكەرلەرى كەلدى. زارداپ شەككەن ازامات شۇعىل تۇردە مەديتسينالىق مەكەمەگە جەتكىزىلدى. دارىگەرلەردىڭ كورسەتكەن كومەگىنە قاراماستان، ەسىن جيماستان كوز جۇمدى. مارقۇمنىڭ وسى تۇرعىن ءۇي كەشەنىنىڭ تۇرعىنى ەكەنى انىقتالدى»، – دەلىنگەن پوليتسيا حابارلاماسىندا.
قازىرگى تاڭدا وقيعانىڭ ءمان-جايى مەن سەبەپتەرى انىقتالىپ جاتىر.
