21 ماۋسىم كۇنى اۋعانستاننىڭ العاشقى عارىشكەرى ابدۋل احاد موماند 68 جاسقا قاراعان شاعىندا ومىردەن وزدى، دەپ حابارلايدى «ادىرنا» ءتىلشىسى.
ول 1959 جىلى 1 قاڭتاردا اۋعانستاننىڭ عازني پروۆينتسياسىنداعى ساردا ەلدى مەكەنىندە دۇنيەگە كەلگەن. كەڭەس وداعىندا ۇشقىش ماماندىعىن مەڭگەرىپ، كەيىن اۋعانستان اسكەري-اۋە كۇشتەرىندە قىزمەت اتقارعان.
1988 جىلى «ينتەركوسموس» باعدارلاماسى اياسىندا «سويۋز تم-6» عارىش كەمەسىنىڭ قۇرامىندا عارىشقا ۇشىپ، «مير» وربيتالىق ستانتسياسىندا بولعان. ونىڭ عارىش ساپارى 8 تاۋلىك 20 ساعات 26 مينۋتقا سوزىلعان.
وسىلايشا موماند عارىشقا ۇشقان العاشقى ءارى بۇگىنگە دەيىن جالعىز اۋعان ازاماتى اتاندى. وربيتادا عىلىمي تاجىريبەلەر جۇرگىزىپ، اۋعانستان اۋماعىن عارىشتان سۋرەتكە تۇسىرگەن.
تاريحتا ول قۇراندى عارىشقا الىپ شىققان العاشقى ادام رەتىندە دە قالدى. سونىمەن قاتار جەرمەن بايلانىس كەزىندە پۋشتۋ تىلىندە سويلەپ، بۇل ءتىلدى وربيتادا العاش ەستىلگەن تىلدەردىڭ قاتارىنا ەنگىزدى.
عارىشتىق ميسسيانى ءساتتى ورىنداعانى ءۇشىن ابدۋل احاد موماند كەڭەس وداعىنىڭ باتىرى اتاعىنا جانە لەنين وردەنىنە يە بولدى. ءوز ەلىندە وعان اۋعانستان دەموكراتيالىق رەسپۋبليكاسىنىڭ باتىرى اتاعى بەرىلدى. كەيىن گەرمانياعا قونىس اۋدارىپ، ءومىرىنىڭ سوڭىنا دەيىن سوندا تۇردى.
