ۇلتتىق قاۋىپسىزدىك كوميتەتىنىڭ تۇڭعىش باسشىسى بولات باەكەنوۆ ومىردەن ءوتتى. قايعىلى حاباردى مەملەكەتتىك كۇزەت قىزمەتىنىڭ ءباسپاسوز قىزمەتى جەتكىزدى، دەپ حابارلايدى «ادىرنا» ءتىلشىسى.
باسقارما ەلىمىزدىڭ ارناۋلى مەملەكەتتىك ورگاندارىنىڭ ارداگەرى گەنەرال-لەيتەنانتىنىڭ ۇزاققا سوزىلعان ناۋقاستان قايتىس بولعانىن مالىمدەدى.
بولات ءابدىراحمانۇلى ءار جىلدارى ۇلتتىق قاۋىپسىزدىك كوميتەتىن، ىشكى ىستەر مينيسترلىگىن باسقاردى، قاۋىپسىزدىك كەڭەسىنىڭ حاتشىسى بولدى.
1997-2001 جج. گەنەرال-لەيتەنانت بولات باەكەنوۆ پرەزيدەنت كۇزەت قىزمەتىنىڭ باستىعى قىزمەتىن اتقارىپ، ونىڭ دامۋىنا ۇلكەن ۇلەس قوستى.
«مەملەكەتتىك كۇزەت قىزمەتى گەنەرال-لەيتەنانت بولات باەكەنوۆتىڭ قايتىس بولۋىنا بايلانىستى ونىڭ تۋىستارى مەن جاقىندارىنا قايعىرىپ كوڭىل ايتادى. بولات ءابدىراحمانۇلىنىڭ جانى ءجانناتتا بولىپ، نۇرى پەيىشتە شالقىسىن. قازانىڭ ارتى قايىرلى بولسىن»،—دەپ جازدى باسقارما.
ۇقساس جاڭالىقتار
