"كروكۋس سيتي حوللدا" قولعا تۇسكەن شەشەنستان ازاماتى پوليتسيا بولىمىندە كوز جۇمدى، دەپ حابارلايدى "ادىرنا" ءتىلشىسى ناستوياششەە ۆرەميا-عا سىلتەپ.
شەشەنستان تۋماسى اسحاب ۋسپانوۆ ماسكەۋدە "كروكۋس سيتي حولل" كونتسەرت زالىنداعى شابۋىلدان كەيىن ۇستالىپ، بىرنەشە ساعاتتان كەيىن پوليتسيا بولىمىندە قايتىس بولعان.
كەيبىر باق بەتتەرىندە شەشەنستاندىق ازاماتتى تۇرمەدە ازاپتاۋى مۇمكىن ەكەنىن ايتادى.
ۋسپانوۆتىڭ ءولىمى تۋرالى ونىڭ اناسى حابارلاپ، اقپاراتتى راستاعان. ازامات ايەلىنىڭ جۇمىسىنا بارا جاتقاندا ۇستالعان. كەيىننەن ۇستالعان ازامات ايەلىنە قوڭىراۋ شالىپ، پوليتسەيلەردىڭ دورەكى سويلەگەنىن ايتقان. سول قوڭىراۋدان كەيىن ازامات پوليتسيا بولىمىندە كوز جۇمعان.
ازاتتىق راديوسىنىڭ حابارلاۋىنشا 29 ناۋرىزدا ۋسپانوۆتىڭ ءولىمى تۋرالى وپپوزيتسيالىق 1ADAT تەلەگرام-ارناسى العاشقىلاردىڭ ءبىرى بولىپ اقپارات تاراتقان. بەيرەسمي دەرەكتەردە مارقۇمنىڭ قابىرعالارى مەن ومىرتقاسى سىنعانى، دەنەسىندە قانتالاعان ىزدەر قالعانى ايتىلۋدا.
