اقتوبە قالاسىندا تۇرعىن ءۇي ورتەنىپ، ءبىر ادام قايتىس بولدى، تاعى ءبىرى جانساقتاۋ بولىمىندە جاتىر. بۇل تۋرالى اقتوبە قالاسىنىڭ توتەنشە جاعدايلار دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
«1 قاڭتار كۇنى 01 ساعات 13 مينۋتتا 112 قۇتقارۋ قىزمەتىنە اقتوبە قالاسى، الماتى اۋدانى، وتەمىسوۆا مەكەنجايىندا جەكە ءۇيدىڭ جانىپ جاتقانى بويىنشا اقپارات كەلىپ ءتۇستى. شاقىرتۋ ورنىنا 24 ادام 4 تەحنيكا جىبەرىلدى. شاقىرتۋ ورنىنا قۇتقارۋشىلار بارعان كەزدە جەكە ءۇيدىڭ جاتىن بولمەسىندە ءۇي زاتتارى ورتەنگەنى انىقتالدى. ءورت 1 ساعات 54 مينۋتتا اۋىزدىقتالدى»، - دەپ كورسەتتى اقتوبە وبلىسى تجد .
58 جاستاعى ايەل ادام كومىرقىشقىل گازىنان ۋلانىپ، اۋرۋحاناعا بارار جولدا قايتىس بولدى، 82 جاستاعى ايەل ادام جانساقتاۋ بولىمىندە.
ءورتتىڭ جالپى اۋدانى 10 ش.م. قازىر ءورتتىڭ شىعۋ سەبەبى انىقتالۋدا.
