اقتوبە وبلىسى اكىمىنىڭ تىكەلەي قولداۋىمەن وتەتىن «سىباعا» فەستيۆالى – اقتوبە وبلىسىندا جىل سايىن ءداستۇرلى تۇردە ۇيىمداستىرىلاتىن ۇلتتىق قۇندىلىقتاردى دارىپتەۋگە باعىتتالعان ماڭىزى زور مادەني شارا. بۇل قازاقستاننىڭ ماتەريالدىق ەمەس مادەني مۇراسىنىڭ بىرنەشە باعىتىن جالپى حالىققا جانە جاس ۇرپاققا ناسيحاتتاۋعا پراكتيكالىق نەگىز بولاتىن ماڭىزدى شارا.
«سىباعا» فەستيۆالىنىڭ نەگىزگى ماقساتى – قازاق حالقىنىڭ داستارحان مادەنيەتىن، قوناقجايلىلىق ءداستۇرىن، اس بەرۋ مادەنيەتىن، ۇلتتىق تاعام تۇرلەرىن جانە ەتنوگرافيالىق مۇرانى كەڭىنەن تانىتۋ.
اعىمداعى جىلعى 4 جەلتوقسان كۇنى اقتوبە وبلىسىنىڭ كوللەدجدەرى مەن مەكتەپتەرىندە ۇلتتىق قۇندىلىقتاردى دارىپتەۋگە باعىتتالعان «سىباعا» ۇلتتىق داستۇرلەر فەستيۆالى اياسىندا بىرقاتار رۋحاني-مادەني ءىس-شارالار ۇيىمداستىرىلادى. فەستيۆالدىڭ ماقساتى – ءبىلىم الۋشىلاردى ۇلتتىق مۇراعا باۋلۋ، شەشەندىك ونەر، جىرشىلىق ءداستۇر، ۇلتتىق ويىندار مەن كيىم مادەنيەتىن ناسيحاتتاۋ، سونداي-اق مەكتەپ پەن كوللەدجدەردەگى رۋحاني-ادامگەرشىلىك تاربيەنى كۇشەيتۋ.
ايتىلعان فەستيۆالدىڭ نەگىزگى باعىتتارى مادەني رۋحاني قۇندىلىقتار بولعاندىقتان، اقتوبە وبلىسىنىڭ مادەنيەت، ارحيۆتەر جانە قۇجاتتاما باسقارماسى بۇل شارانى اسا جوعارى دەڭگەيدە ۇيىمداستىرا ءبىلدى.
وتاندىق جانە شەتەلدىك ديزاينەرلەر اقتوبەدە ۇلتتىق ءسان فەستيۆالىندە توپتامالارىن كورسەتتى
«سىباعا – 2025» ۇلتتىق داستۇرلەر فەستيۆالى ونەر ورتالىعىنىڭ الدىندا وتكەن «التىباقان» مادەني ويىن-ساۋىق باعدارلاماسىمەن باستالدى. ۇلتتىق ويىندار مەن ءداستۇرلى اۋەندەر توعىسقان، ۇلتتىق ناقىشقا تولى ساحنالىق كورىنىستەر فەستيۆالدىڭ باستالۋىنا ءسان بەرىپ، كەلگەن جۇرتشىلىقتى ونەر مەرەكەسىنىڭ رۋحىنا بولەدى.
ەتنوفەستيۆالدىڭ اشىلۋ سالتاناتىندا وبلىس اكىمى اسحات شاحاروۆ قۇتتىقتاۋ ءسوز سويلەپ، «سىباعا» ۇلتتىق داستۇرلەر فەستيۆالىنىڭ ايماقتا ەكىنشى جىل قاتارىنان وتكىزىلىپ وتىرعانىن اتاپ ءوتتى. ونىڭ سوزىنشە، 4–6 جەلتوقسان كۇندەرىن قامتيتىن فەستيۆالدىڭ ءار كۇنى ۇلتتىق رۋحاني قۇندىلىقتاردى دارىپتەيتىن باعدارلامالارعا قۇرىلعان.
ەسكە سالايىق، فەستيۆالدىڭ ءبىرىنشى كۇنى – «تاعىلىم»; ەكىنشى كۇنى – «داستۇرلەر جاڭعىرىعى»; ءۇشىنشى كۇنى – «سالبۋرىن» اتاۋىمەن بەلگىلەنگەن. تاعى ءبىر ماڭىزدى شارا - 4–6 جەلتوقسان كۇندەرى اۋىل-ايماقتاردا سوعىمنىڭ ءداستۇرلى سىباعاسى تاراتىلىپ، ۇلكەن-كىشىگە قۇرمەت كورسەتىلۋىندە.
«مەملەكەت باسشىسى قاسىم-جومارت توقاەۆ ۇلتتىق قۇرىلتاي وتىرىسىندا «وتكەنىمەن عانا ءومىر سۇرەتىن جۇرت وركەنيەتتى ەل بولا المايدى. ۇلت ساپاسىن جاقسارتامىز دەسەك، ءبىر ەل بولىپ جاڭا قۇندىلىقتار جۇيەسىن قالىپتاستىرۋىمىز قاجەت» - دەپ اتاپ وتكەن بولاتىن. سالت-ءداستۇر – ادامزات ءۇشىن ىلگەرىلەۋدىڭ سارقىلماس قاينار كوزى. عىلىمي-تەحنيكالىق پروگرەسس قانشا دامىعانىمەن، قولدا بار جەتىستىكتەردىڭ ىرگەتاسىن قالاعان قۇندىلىقتاردان باس تارتۋعا بولمايتىندىعىن وسكەلەڭ ۇرپاققا جەتكىزۋ باستى مىندەت»، - دەدى ءوڭىر باسشىسى. 
ايتىپ ءوتۋ كەرەك، اقتوبەدە ءوتىپ جاتقان حالىقارالىق ينۆەستيتسيالىق فورۋم اياسىندا 20 مەملەكەتتەن كەلگەن دەلەگاتسيا جانە 7 ەلشى شاراعا قاتىستى. اكىم قوناقتارعا ريزاشىلىعىن ءبىلدىرىپ، ۇلتتىق مادەنيەتتى دامىتۋعا اتسالىسىپ جۇرگەن شەبەرلەر مەن ونەرسۇيەر قاۋىمعا العىسىن جەتكىزدى.
ۇلتتىق بولمىسىمىزدى دارىپتەپ، اتا-بابادان ميراس بولعان رۋحاني قازىنانى زاماناۋي ۇلگىدە ناسيحاتتاۋعا باعىتتالعان ەتنوفەستيۆال اياسىندا «داستۇرلەر جاڭعىرىعى» اتتى ۇلكەن كونتسەرتتىك باعدارلاما ءوتتى.
باعدارلاما بارىسىندا كورەرمەندەرگە حالىق اندەرى، جىر-داستاندار، كۇيلەر، ۇلتتىق اسپاپتىق كومپوزيتسيالار، سونداي-اق وتاندىق ديزاينەرلەردىڭ ەتنوستيلدەگى توپتامالارى ۇسىنىلدى.ء«تاربيا»، مەيرامگۇل تاۋباتىروۆا، قىرعىزستاۇ رەسپۋبليكاسىنان گۇلميرا اكماتوۆا، ءسابينا كۇنكەي، ماڭعىستاۋلىق جاننار مەڭدىقۇلوۆا، ينابات ەسكەندىر سىندى ديزاينەرلەردىڭ توپتامالارى ۇلتتىق كيىم مادەنيەتىنىڭ اسەم ورنەگىن پاش ەتتى.
«سىباعا – 2025» فەستيۆالىنىڭ «داستۇرلەر جاڭعىرىعى» شاراسى ۇلتتىق ونەردىڭ كەڭ تىنىسىن كورسەتىپ، ءداستۇر مەن جاڭاشىلدىقتى ۇيلەستىرگەن ماتەريالدىق ەمەس مادەني مۇرانىڭ بىرنەشە سالاسىن جاس ۇرپاققا ناسيحاتتاۋدا، تولىققاندى مادەني ءىس-شارا رەتىندە جوعارى باعالاندى.
فەستيۆال اياسىندا مادەنيەت جانە سپورت باسقارمالارى ماتەريالدىق ەمەس مادەني مۇرا ەلەمەنتتەرىنەن بىرنەشە ءىس-شارالار ۇيىمداستىردى:
1. ء«سوز ساپتاۋ – ونەردىڭ باسى» شەشەندىك ونەر سايىسى (دەبات):
وتەتىن ورنى: اقتوبە قۇرىلىس-تەحنيكالىق كوللەدجى (ساعي جيەنباەۆ اتىنداعى جاسوسپىرىمدەر كىتاپحاناسى);
ۋاقىتى: 2025 ج. 4 جەلتوقسان، 12:00-13:00;
2. «جىر مۇراسى – رۋحاني قازىنا» جىر-داستاندار ورىنداۋ كەشى:
وتەتىن ورنى: اقتوبە گۋمانيتارلىق جوعارى كوللەدجى:
ۋاقىتى: 2025 ج. 4 جەلتوقسان، 11:00–12:00;
3. «ۇلتتىق كيىم – مادەنيەتتىڭ ايناسى» ۇلتتىق كيىمدەر فلەشموبى:
وتەتىن ورنى: اقتوبە جوعارى پوليتەحنيكالىق كوللەدجى;
ۋاقىتى: 2025 ج. 4 جەلتوقسان، 10:00–11:00;
4. «سالت پەن سانا» كورمەسى:
وتەتىن ورنى: اقتوبە قالاسى، №51 گيمنازيا;
ۋاقىتى: 2025 ج. 4 جەلتوقسان، 10:00–11:00;
شارا تۋرالى: ۇلتتىق سالت-داستۇرلەر، تۇرمىستىق بۇيىمدار، قولونەر ۇلگىلەرىنەن قۇرالعان تانىمدىق كورمە ۇيىمداستىرىلادى.
5. «اسىق اتۋ – مەرگەندىك مەكتەبى» اكەلەر مەن وقۋشىلار سايىسى:
وتەتىن ورنى: اقتوبە قالاسى، م.ارىن اتىنداعى قارعالى قازاق ورتا مەكتەبى;
ۋاقىتى: 2025 ج. 4 جەلتوقسان، 12:00–13:00;
شارا تۋرالى: قازاقتىڭ ۇلتتىق ويىنى – اسىق اتۋ بويىنشا اكەلەر مەن بالالار اراسىندا سايىس ۇيىمداستىرىلادى;
6. «جەتى قازىنا مەن جەتى اتا – ۇلت تىرەگى» بەينەبايان تانىستىرىلىمى:
وتەتىن ورنى: اقتوبە قالاسى، №30 قازاق ورتا مەكتەبى;
ۋاقىتى: 2025 ج. 4 جەلتوقسان، 14:00–15:00;
شارا تۋرالى: ۇلتتىق تانىمدىق قۇندىلىقتاردى دارىپتەيتىن بەينەبايان كورسەتىلىپ، مازمۇنى تالقىلانادى;
بارلىق ءىس-شارالار «سىباعا» ۇلتتىق داستۇرلەر فەستيۆالى تۇجىرىمداماسىن جۇزەگە اسىرۋ، ۇلتتىق رۋحاني مۇرانى دارىپتەۋ جانە جاستاردىڭ مادەني-رۋحاني دۇنيەتانىمىن كەڭەيتۋگە باعىتتالعان.
