Aqtöbe oblysy äkımınıŋ tıkelei qoldauymen ötetın «Sybaǧa» festivalı – Aqtöbe oblysynda jyl saiyn dästürlı türde ūiymdastyrylatyn ūlttyq qūndylyqtardy därıpteuge baǧyttalǧan maŋyzy zor mädeni şara. Būl Qazaqstannyŋ Materialdyq emes mädeni mūrasynyŋ bırneşe baǧytyn jalpy halyqqa jäne jas ūrpaqqa nasihattauǧa praktikalyq negız bolatyn maŋyzdy şara.
«Sybaǧa» festivalınıŋ negızgı maqsaty – qazaq halqynyŋ dastarhan mädenietın, qonaqjailylyq dästürın, as beru mädenietın, ūlttyq taǧam türlerın jäne etnografiialyq mūrany keŋınen tanytu.
Aǧymdaǧy jylǧy 4 jeltoqsan künı Aqtöbe oblysynyŋ kolledjderı men mektepterınde ūlttyq qūndylyqtardy därıpteuge baǧyttalǧan «SYBAǦA» ūlttyq dästürler festivalı aiasynda bırqatar ruhani-mädeni ıs-şaralar ūiymdastyrylady. Festivaldıŋ maqsaty – bılım aluşylardy ūlttyq mūraǧa baulu, şeşendık öner, jyrşylyq dästür, ūlttyq oiyndar men kiım mädenietın nasihattau, sondai-aq mektep pen kolledjderdegı ruhani-adamgerşılık tärbienı küşeitu.
Aitylǧan festivaldıŋ negızgı baǧyttary mädeni ruhani qūndylyqtar bolǧandyqtan, Aqtöbe oblysynyŋ mädeniet, arhivter jäne qūjattama basqarmasy būl şarany asa joǧary deŋgeide ūiymdastyra bıldı.
Otandyq jäne şeteldık dizainerler Aqtöbede ūlttyq sän festivalınde toptamalaryn körsettı
«Sybaǧa – 2025» ūlttyq dästürler festivalı Öner ortalyǧynyŋ aldynda ötken «Altybaqan» mädeni oiyn-sauyq baǧdarlamasymen bastaldy. Ūlttyq oiyndar men dästürlı äuender toǧysqan, ūlttyq naqyşqa toly sahnalyq körınıster festivaldıŋ bastaluyna sän berıp, kelgen jūrtşylyqty öner merekesınıŋ ruhyna böledı.
Etnofestivaldıŋ aşylu saltanatynda oblys äkımı Ashat Şaharov qūttyqtau söz söilep, «Sybaǧa» ūlttyq dästürler festivalınıŋ aimaqta ekınşı jyl qatarynan ötkızılıp otyrǧanyn atap öttı. Onyŋ sözınşe, 4–6 jeltoqsan künderın qamtityn festivaldıŋ är künı ūlttyq ruhani qūndylyqtardy därıpteitın baǧdarlamalarǧa qūrylǧan.
Eske salaiyq, festivaldıŋ bırınşı künı – «Taǧylym»; ekınşı künı – «Dästürler jaŋǧyryǧy»; Üşınşı künı – «Salburyn» atauymen belgılengen. Taǧy bır maŋyzdy şara - 4–6 jeltoqsan künderı auyl-aimaqtarda soǧymnyŋ dästürlı sybaǧasy taratylyp, ülken-kışıge qūrmet körsetıluınde.
«Memleket basşysy Qasym-Jomart Toqaev Ūlttyq qūryltai otyrysynda «Ötkenımen ǧana ömır süretın jūrt örkeniettı el bola almaidy. Ūlt sapasyn jaqsartamyz desek, bır el bolyp jaŋa qūndylyqtar jüiesın qalyptastyruymyz qajet» - dep atap ötken bolatyn. Salt-dästür – adamzat üşın ılgerıleudıŋ sarqylmas qainar közı. Ǧylymi-tehnikalyq progress qanşa damyǧanymen, qolda bar jetıstıkterdıŋ ırgetasyn qalaǧan qūndylyqtardan bas tartuǧa bolmaityndyǧyn öskeleŋ ūrpaqqa jetkızu basty mındet», - dedı öŋır basşysy. 
Aityp ötu kerek, Aqtöbede ötıp jatqan halyqaralyq investisiialyq forum aiasynda 20 memleketten kelgen delegasiia jäne 7 elşı şaraǧa qatysty. Äkım qonaqtarǧa rizaşylyǧyn bıldırıp, ūlttyq mädeniettı damytuǧa atsalysyp jürgen şeberler men önersüier qauymǧa alǧysyn jetkızdı.
Ūlttyq bolmysymyzdy därıptep, ata-babadan miras bolǧan ruhani qazynany zamanaui ülgıde nasihattauǧa baǧyttalǧan etnofestival aiasynda «Dästürler jaŋǧyryǧy» atty ülken konserttık baǧdarlama öttı.
Baǧdarlama barysynda körermenderge halyq änderı, jyr-dastandar, küiler, ūlttyq aspaptyq kompozisiialar, sondai-aq otandyq dizainerlerdıŋ etnostildegı toptamalary ūsynyldy.«Tärbiia», Meiramgül Taubatyrova, Qyrǧyzstaü Respublikasynan Gülmira Akmatova, Säbina Künkei, maŋǧystaulyq Jannar Meŋdıqūlova, İnabat Eskendır syndy dizainerlerdıŋ toptamalary ūlttyq kiım mädenietınıŋ äsem örnegın paş ettı.
«Sybaǧa – 2025» festivalınıŋ «Dästürler jaŋǧyryǧy» şarasy ūlttyq önerdıŋ keŋ tynysyn körsetıp, dästür men jaŋaşyldyqty üilestırgen Materialdyq emes mädeni mūranyŋ bırneşe salasyn jas ūrpaqqa nasihattauda, tolyqqandy mädeni ıs-şara retınde joǧary baǧalandy.
Festival aiasynda Mädeniet jäne sport basqarmalary Materialdyq emes mädeni mūra elementterınen bırneşe ıs-şaralar ūiymdastyrdy:
1. «Söz saptau – önerdıŋ basy» şeşendık öner saiysy (debat):
Ötetın orny: Aqtöbe qūrylys-tehnikalyq kolledjı (Saǧi Jienbaev atyndaǧy jasöspırımder kıtaphanasy);
Uaqyty: 2025 j. 4 jeltoqsan, 12:00-13:00;
2. «Jyr mūrasy – ruhani qazyna» jyr-dastandar oryndau keşı:
Ötetın orny: Aqtöbe gumanitarlyq joǧary kolledjı:
Uaqyty: 2025 j. 4 jeltoqsan, 11:00–12:00;
3. «Ūlttyq kiım – mädeniettıŋ ainasy» ūlttyq kiımder fleşmoby:
Ötetın orny: Aqtöbe joǧary politehnikalyq kolledjı;
Uaqyty: 2025 j. 4 jeltoqsan, 10:00–11:00;
4. «Salt pen sana» körmesı:
Ötetın orny: Aqtöbe qalasy, №51 gimnaziia;
Uaqyty: 2025 j. 4 jeltoqsan, 10:00–11:00;
Şara turaly: Ūlttyq salt-dästürler, tūrmystyq būiymdar, qolöner ülgılerınen qūralǧan tanymdyq körme ūiymdastyrylady.
5. «Asyq atu – mergendık mektebı» äkeler men oquşylar saiysy:
Ötetın orny: Aqtöbe qalasy, M.Aryn atyndaǧy Qarǧaly qazaq orta mektebı;
Uaqyty: 2025 j. 4 jeltoqsan, 12:00–13:00;
Şara turaly: Qazaqtyŋ ūlttyq oiyny – asyq atu boiynşa äkeler men balalar arasynda saiys ūiymdastyrylady;
6. «Jetı qazyna men jetı ata – ūlt tıregı» beinebaian tanystyrylymy:
Ötetın orny: Aqtöbe qalasy, №30 qazaq orta mektebı;
Uaqyty: 2025 j. 4 jeltoqsan, 14:00–15:00;
Şara turaly: Ūlttyq tanymdyq qūndylyqtardy därıpteitın beinebaian körsetılıp, mazmūny talqylanady;
Barlyq ıs-şaralar «SYBAǦA» ūlttyq dästürler festivalı tūjyrymdamasyn jüzege asyru, ūlttyq ruhani mūrany därıpteu jäne jastardyŋ mädeni-ruhani dünietanymyn keŋeituge baǧyttalǧan.
