Aqtöbe oblysynyŋ prokuraturasy habarlaǧandai, öŋırde 12 problemalyq ülestık qūrylys nysany anyqtalǧan. Būl nysandar boiynşa 797 jäbırlenuşı tırkelgen, al keltırılgen jalpy zalal kölemı 6,1 mlrd teŋge, dep habarlaidy "Adyrna".
«AlaşOrda-1» tūrǧyn üi keşenı men «Aviator Premium» qūrylys jobalarynyŋ basşylary alaiaqtyq jolmen 200-den astam üleskerdıŋ qarajatyn iemdenıp, 1,8 mlrd teŋgeden astam şyǧyn keltırgen.
Prokuratura qabyldaǧan şaralardyŋ nätijesınde biyl 7 qūrylys kompaniiasynyŋ basşylary 11 nysan boiynşa qylmystyq jauapkerşılıkke tartyldy.
Sot ükımımen «Safina.kz» jäne «StroiServisRegion» tūrǧyn üi keşenderınıŋ qūrylys saluşylary 300-den astam üleskerdıŋ qarajatyn zaŋsyz iemdengenı üşın 10 jylǧa bas bostandyǧynan aiyryldy.
Sonymen qatar prokuratura organdary azamattyq ıster boiynşa 413 üleskerdıŋ müddesın qorǧap, tūrǧyn üi satu-satyp alu şarttaryn jaramsyz dep tanu jäne mülıktı qaitaru turaly 8 talap-aryz bergen. Onyŋ ışınde 6 talap-aryz qanaǧattandyrylyp, 285 üleskerdıŋ qūqyǧy qorǧaldy. Al 3 nysan boiynşa 128 üleskerdıŋ ısterı sot qarauynda.
Aimaqtyq prokuratura tūrǧyn üi qūrylysy kezınde azamattardyŋ qarajatyn zaŋsyz tartu derekterın anyqtau üşın tūraqty monitoring jürgızıp otyrady. Barlyq problemalyq nysandar oblys prokuraturasynyŋ erekşe baqylauynda.
