Aqtöbe oblysy äkımınıŋ bırınşı orynbasary Ruslan Hambarov özın eks-prezident Nūrsūltan Nazarbaevtyŋ nemere ınısı Qairat Satybaldynyŋ küieu balasy degen aqparatty jalǧan dep atady, dep habarlaidy "Adyrna" portaly.
«Men Qairat Satybaldynyŋ küieu balasymyn degen aqparatqa keletın bolsaq, būl jalǧan aqparat. Menıŋ qaiyn atam – eŋbek sıŋırgen sportşy, ekı dürkın KSRO chempiony, Europa chempiony, sambodan älem kubogynyŋ iegerı. Būl ataqty dziudoşy, sambist Aitjan Şaŋǧaraev. Äielım ekeumız üşınşı balamyzdyŋ düniege keluın kütudemız, sondyqtan 17 nauryzdan bastap kezektı eŋbek demalysynda boldym. Men jaqyn arada öz mındetıme qaita kırısemın», - dep Hambarov Satybaldynyŋ küieu balasy jäne otstavkaǧa ketuge niettı ekendıgı turaly aqparatqa tüsınıkteme berdı.Eske salaiyq, 13 nauryzda Qazaqstannyŋ eks-prezidentı Nūrsūltan Nazarbaevtyŋ nemere ınısı Qairat Satybaldynyŋ qyzmettık ökılettıgın asyra paidalanu jäne «Qazaqtelekom» AQ qarjysyn jymqyru faktılerı boiynşa Almatyda ūstalyp, uaqytşa ūstau izoliatoryna qamauǧa alynǧany belgılı boldy. Satybaldynyŋ memleket qauıpsızdıgıne nūqsan keltıretın basqa da qylmystarǧa qatystylyǧy da qazır tekserılıp jatyr. Sol künı BAQ derekközderı habarlaǧandai, Nazarbaevtyŋ nemere ınısı Nūr-Sūltanda qamauda bolady. Nazarbaevtyŋ nemere ınısın ūstaudy ŪQK Arystan arnaiy bölımşesınıŋ qyzmetkerlerı jürgızgen. 14 nauryzda «Qazaqtelekom» keŋselerınde tıntuler jürgızılgenı belgılı boldy, operatordyŋ özı būl aqparatqa tüsınıkteme beruden bas tartty, bıraq ol tıntuler elorda men Almaty bölımşelerınde jürıp jatqanyn körsettı. Nauryzdyŋ 23-ı künı Ile-Alatau memlekettık ūlttyq tabiǧi parkınıŋ küzet aimaǧyna jaqyn taulardan Satybaldyǧa tiesılı boluy mümkın zaŋsyz salynǧan villa tabylǧany habarlanǧan bolatyn.
"Adyrna" ūlttyq portaly
Ūqsas jaŋalyqtar
