الماتىدا ءال-فارابي داڭعىلىندا بولعان اتىشۋلى جول اپاتىنا قاتىستى سوت اياقتالدى. سوت Zeekr كولىگىنىڭ جۇرگىزۋشىسى الەكساندر پاكتى ءۇش ادامنىڭ ولىمىنە كىنالى دەپ تاپتى، دەپ حابارلايدى "ادىرنا".
قىلمىستىق ءىس بويىنشا توراعالىق ەتۋشى سۋديا ەركىن مايشينوۆ ۇكىمدى جاريالادى: سوتتالۋشى الەكساندر پاك، 1993 جىلى تۋعان، قر قك-نىڭ 345-1-بابى، 4-بولىگى، ياعني "ابايسىزدا ەكى جانە ودان دا كوپ ادامنىڭ ولىمىنە اكەلىپ سوقتىرعان الكوگولدىك ماساڭ كۇيىندەگى جول قاۋىپسىزدىگى ەرەجەلەرىن بۇزۋشىلىق" بويىنشا قىلمىس جاساعانى ءۇشىن كىنالى دەپ تانىلدى. وعان ەڭ تومەنگى قاۋىپسىزدىك كولونياسىندا 10 جىل باس بوستاندىعىنان ايىرۋ جازاسى تاعايىندالدى.
"الەكساندر پاك قازاقستان رەسپۋبليكاسى قىلمىستىق كودەكسىنىڭ 345-بابىنىڭ 4-بولىگىندە كوزدەلگەن قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىلدى. سوت وعان كولىك قۇرالىن باسقارۋ قۇقىعىنان ءومىر بويىنا ايىرا وتىرىپ، 10 جىلعا باس بوستاندىعىنان ايىرۋ جازاسىن تاعايىنداۋ تۋرالى شەشىم شىعاردى. جازانى وتەۋ ورنى – ەڭ تومەنگى قاۋىپسىزدىك قىلمىستىق-اتقارۋ جۇيەسى مەكەمەسى... جابىرلەنۋشىنىڭ مورالدىق زيان وتەماقىسىن ءوندىرىپ الۋ تۋرالى ازاماتتىق تالابى ءىشىنارا قاناعاتتاندىرىلدى: رۇستەمبەك شوتەنوۆتىڭ پايداسىنا وتەماقى رەتىندە 10 ملن تەڭگە ءوندىرىلىپ الىنسىن", - دەدى ەركىن مايشينوۆ.
ەسكە سالساق، 2026 جىلعى 21 ناۋرىزدا الماتىداعى ءال-فارابي داڭعىلىندا بولعان جول اپاتى سالدارىنان ءۇش ادام قازا تاپقان بولاتىن. تەرگەۋ مالىمەتىنشە، Zeekr كولىگىنىڭ جۇرگىزۋشىسى ماس كۇيىندە جولدىڭ قارسى بەتىنە شىعىپ كەتىپ، Mercedes اۆتوكولىگىمەن سوقتىعىسقان. سالدارىنان Mercedes-ءتىڭ جۇرگىزۋشىسى مەن ەكى جولاۋشىسى وقيعا ورنىندا كوز جۇمعان ەدى.
