Almatyda äl-Farabi daŋǧylynda bolǧan atyşuly jol apatyna qatysty sot aiaqtaldy. Sot Zeekr kölıgınıŋ jürgızuşısı Aleksandr Pakty üş adamnyŋ ölımıne kınälı dep tapty, dep habarlaidy "Adyrna".
Qylmystyq ıs boiynşa töraǧalyq etuşı sudia Erkın Maişinov ükımdı jariialady: sottaluşy Aleksandr Pak, 1993 jyly tuǧan, QR QK-nyŋ 345-1-baby, 4-bölıgı, iaǧni "Abaisyzda ekı jäne odan da köp adamnyŋ ölımıne äkelıp soqtyrǧan alkogoldık masaŋ küiındegı jol qauıpsızdıgı erejelerın būzuşylyq" boiynşa qylmys jasaǧany üşın kınälı dep tanyldy. Oǧan eŋ tömengı qauıpsızdık koloniiasynda 10 jyl bas bostandyǧynan aiyru jazasy taǧaiyndaldy.
"Aleksandr Pak Qazaqstan Respublikasy Qylmystyq kodeksınıŋ 345-babynyŋ 4-bölıgınde közdelgen qylmystyq qūqyq būzuşylyq jasaǧany üşın kınälı dep tanyldy. Sot oǧan kölık qūralyn basqaru qūqyǧynan ömır boiyna aiyra otyryp, 10 jylǧa bas bostandyǧynan aiyru jazasyn taǧaiyndau turaly şeşım şyǧardy. Jazany öteu orny – eŋ tömengı qauıpsızdık qylmystyq-atqaru jüiesı mekemesı... Jäbırlenuşınıŋ moraldyq ziian ötemaqysyn öndırıp alu turaly azamattyq talaby ışınara qanaǧattandyryldy: Rüstembek Şotenovtyŋ paidasyna ötemaqy retınde 10 mln teŋge öndırılıp alynsyn", - dedı Erkın Maişinov.
Eske salsaq, 2026 jylǧy 21 nauryzda Almatydaǧy äl-Farabi daŋǧylynda bolǧan jol apaty saldarynan üş adam qaza tapqan bolatyn. Tergeu mälımetınşe, Zeekr kölıgınıŋ jürgızuşısı mas küiınde joldyŋ qarsy betıne şyǧyp ketıp, Mercedes avtokölıgımen soqtyǧysqan. Saldarynan Mercedes-tıŋ jürgızuşısı men ekı jolauşysy oqiǧa ornynda köz jūmǧan edı.
