8 jastaǵy qyzǵa azǵyndyq jasaǵan jasóspirim jazasyz qalmaq

1081

Shymkentte apellıaııalyq sot 8 jastaǵy qyzǵa azǵyndyq jasady degen 15 jastaǵy jasóspirimniń isi boıynsha sot úkimin ózgerissiz qaldyrdy. Bul iste kináli tarap qana emes, zardap shekken tarap ta jasóspirimdi bosatýdy suraǵan, - dep habarlaıdy “Adyrna” ulttyq portaly "Eýrazııa Birinshi arnasyna" silteme jasap.

Sot jabyq tártipte ótti. Qyzý talqydan keıin sot zalynan sottalýshynyń anasy kózin jasyn tógip shyqqan. Ol balasy kinásiz ekenin aıtyp, tergeýshilerdi aıyptady.

"Bárin dáleldedik, saraptama qorytyndysyn kórsettik, qyzǵa eshkim tıispegen. Biraq sot qorytyndyǵa qaramaıdy. Shymkentimizde ádildik joq. Ál-Farabı polıııa bóliminiń jedel ýákilderi maǵan eskertpesten kelip, balamen sóılesken. Ony olar aldap, eshteńe etpeıdi, bosatady dep, qol qoıǵyzyp alǵan", - deıdi sottalýshynyń anasy Aınur Ádilova.

Oqıǵa bir jyl buryn bolǵan. Qyzdyń otbasy Ádilovterdiń úıinde bir bólmesin jaldap turyp jatqan. Kún ystyqta eresekter aýladaǵy tapshada uıyqtap jatqan. Oqýshy qyz tańerteń úı esiniń uly tıiskenin aıtqan. Birden polıııa shaqyrtylyp, biraq keıin zardap shekken tarap oqıǵanyń jalǵasy bolǵanyn aıta bastaǵan.

"Oqıǵadan keıin 10 kún ótkende segiz jastaǵy qyzym kórshiniń uly qaıda ekenin suraǵan. Ol saǵan tıiskeni úshin túrmege qamaldy, ol saǵan azǵyndyq jasady ǵoı dedim. Sonda qyzym bári túsinde kórgenin aıtty. Kórgen túsin beker aıtyp bergenin jetkizdi. Osydan keıin tergeýshige baryp, aryzymdy alǵym keldi. Biraq aryzdy alsam, ózim túrmege 10 jylǵa qamalýym múmkin ekenin aıtty", - deıdi qyzdyń anasy.

Al advokat tergeý barysynda jasóspirimge qysym kórsetilgenin málimdep otyr.

"Tergeý barysynda jasóspirimge qysym kórsetilgen. Zardap shekken qyzdyń anasy meniń qorǵaýymdaǵy adamnyń qylmysy týraly barlyq dáleldi joqqa shyǵardy. Tipti birinshi sot otyrysynda ol qyzy psıhologııalyq buzylýy bar ekenin málimdegen. Qyz oıdan shyǵaryp, ótirik aıtqan bolýy múmkin. Dálel retinde psıhdıspanserden anyqtama aldyq. Zardap shekken qyz esepte bar jáne járdemaqy alady", - dep málimdedi advokat Jarylqap Ómirzaqov.

Apellıaııalyq sot tyńdaýynda úsh birdeı sýdıa bolǵan. Olar úkimdi, ıaǵnı bes jylǵa bas bostandyǵynan aıyrý jazasyn ózgerissiz qaldyrý týraly sheshim shyǵarǵan.

"Kámeletke tolmaǵan jasóspirimge qatysty "Seksýaldyq sıpattaǵy zorlyq áreketter" baby boıynsha úkim shyqqan. Búgin biz osy isti qarap, taraptardyń pikirin tyńdadyq. Alqa zardap shekken taraptyń kýá sózi ózgerýine senbestik bildirdi. Alqa mundaıdy sotty aldaýǵa umtylý degen qarastyrady", - dedi qalalyq qylmystyq ister sotynyń tóraǵasy Erbol Janǵazın.

Sot úkimi kúshine engen soń 15 jastaǵy bala ýaqytsha ustaý ızolıatorynan kolonııaǵa jiberiledi. Jasóspirimniń ata-anasy polıeıler isiniń zańdylyǵyna qatysty aryz túsirip, Joǵarǵy sotqa júginýge nıetti.

Pikirler
Uqsas jańalyqtar