Astanada ötken sot otyrysynda eks-prezident Nūrsūltan Nazarbaevtyŋ nemere ınısı Qairat Satybaldy özıne taǧylǧan aiypty tolyq moiyndady, dep habarlaidy “Adyrna”.
Astana qalasy Qylmystyq ıster jönındegı audanaralyq sotynda ırı mölşerde qylmystyq jolmen alynǧan aqşany jylystatu (Qylmystyq kodekstıŋ 218-baby, 3-bölıgı, 3-tarmaǧy) boiynşa aiyptalǧan Qairat Satybaldyǧa qatysty taǧy bır qylmystyq ıs boiynşa basty sot otyrysy öttı.
Sotta prokuror Eldar Nūrmahanov aiyptau aktısın oqydy. Onyŋ aituynşa, Qairat Satybaldy qylmystyq jolmen zaŋsyz paida tapqan.
«Qairat Satybaldy öz maqsatyn közdep, aqşanyŋ qylmystyq qūqyqbūzuşylyqtan tüskenın bılgen. Osyǧan qaramastan, ol «Kaspi banktegı» şotyn paidalanyp, 22 mln 965 myŋ dollardy Dubai qalasynan jyljymaityn mülık satyp aluǧa jūmsaǧan”, – dedı prokuror.
Qairat Satybaldy sotqa onlain qatysyp, kınäsın tolyq moiyndap, tergeumen kelısım jasauǧa daiyn ekenın aitty.
“Qūrmettı sot, kınämdı tolyq moiyndaimyn. Dälelderge daulaspaimyn. Konstitusiialyq qūqyǧym būzylmady”, - dedı ol.
Aldyn ala tyŋdau barysynda qorǧauşy tarap kınäsın moiyndau jäne zaŋsyz satyp alynǧan aktivterdı qaitaru turaly prosestık kelısım jasau turaly ötınışhat berdı. Osyǧan bailanysty sot prosestık kelısımdı jasau mäselesın şeşu üşın uaqyt berdı.
Sot otyrysy belgısız merzımge şegerıldı.
Aita keteiık, Qairat Satybaldy 2022 jyldyŋ 26 qyrküiegınde basqa qylmystyq ısı boiynşa alty jylǧa sottalǧan edı. Al, 2024 jyldyŋ basynda Sybailas jemqorlyqqa qarsy agenttık oǧan qatysty taǧy bır ıs älı tergelıp jatqanyn habarlaǧan bolatyn.
Ūqsas jaŋalyqtar
