Taldyqorǧanda "qyz zorlady" dep aiyptalǧan qalalyq ışkı ıster basqarmasynyŋ būrynǧy basşysy Marat Küştıbaev sot zalynda esınıen tanyp qaldy, dep habarlaidy "Adyrna" ūlttyq portaly.
Video äleumettık jelıde tarap kettı.
«Bügın (sot otyrysy 5 nauryz künı öttı - jurnalist) Taldyqorǧan qalasynyŋ būrynǧy bas poliseiı sot ǧimaratynan osylai şyqty. Ony miokard infarkty belgılerımen jedel järdem alyp ketken. Marat Küştıbaev qyz zorlady dep aiyptaluda. Aiyptauşy taraptyŋ aituynşa, ol qylmysty öz kabinetınde jasaǧan», — delıngen taldykorganec.insta paraqşasyndaǧy jariialanǧan videonyŋ astynda.
Jetısu oblystyq sotynyŋ baspasöz qyzmetı sot otyrysynda sottaluşyny jedel järdem kölıgımen alyp kettı degen aqparatty rastady. «Qazır sottaluşy kardiologiialyq ortalyqta därıgerlerdıŋ baqylauynda. Osyǧan bailanysty sot otyrysy keiınge şegerıldı», - dedı sot. Eske sala keteiık, aqpan aiynyŋ soŋynda Taldyqorǧanda qalalyq ışkı ıster basqarmasynyŋ būrynǧy basşysy Marat Küştıbaevtyŋ soty bastalǧan bolatyn. Ol 27 jastaǧy qyzdy zorlady degen küdıkpen ūstaldy. Zorlyq-zombylyq qalai jasalǧanyn jäbırlenuşınıŋ advokaty Nūrlan Molbaev aityp berdı. Atalmyş oqiǧadan keiın polisiia qyzmetkerlerı jūmystan bosatyldy.Posmotret etu publikasiiu v Instagram
Ūqsas jaŋalyqtar
