تالدىقورعاندا "قىز زورلادى" دەپ ايىپتالعان قالالىق ىشكى ىستەر باسقارماسىنىڭ بۇرىنعى باسشىسى مارات كۇشتىباەۆ سوت زالىندا ەسىنىەن تانىپ قالدى، دەپ حابارلايدى "ادىرنا" ۇلتتىق پورتالى.
ۆيدەو الەۋمەتتىك جەلىدە تاراپ كەتتى.
«بۇگىن (سوت وتىرىسى 5 ناۋرىز كۇنى ءوتتى - جۋرناليست) تالدىقورعان قالاسىنىڭ بۇرىنعى باس پوليتسەيى سوت عيماراتىنان وسىلاي شىقتى. ونى ميوكارد ينفاركتى بەلگىلەرىمەن جەدەل جاردەم الىپ كەتكەن. مارات كۇشتىباەۆ قىز زورلادى دەپ ايىپتالۋدا. ايىپتاۋشى تاراپتىڭ ايتۋىنشا، ول قىلمىستى ءوز كابينەتىندە جاساعان»، — دەلىنگەن taldykorganec.insta پاراقشاسىنداعى جاريالانعان ۆيدەونىڭ استىندا.
پوسموترەت ەتۋ پۋبليكاتسيۋ ۆ Instagram
جەتىسۋ وبلىستىق سوتىنىڭ ءباسپاسوز قىزمەتى سوت وتىرىسىندا سوتتالۋشىنى جەدەل جاردەم كولىگىمەن الىپ كەتتى دەگەن اقپاراتتى راستادى.
«قازىر سوتتالۋشى كارديولوگيالىق ورتالىقتا دارىگەرلەردىڭ باقىلاۋىندا. وسىعان بايلانىستى سوت وتىرىسى كەيىنگە شەگەرىلدى»، - دەدى سوت.
ەسكە سالا كەتەيىك، اقپان ايىنىڭ سوڭىندا تالدىقورعاندا قالالىق ىشكى ىستەر باسقارماسىنىڭ بۇرىنعى باسشىسى مارات كۇشتىباەۆتىڭ سوتى باستالعان بولاتىن. ول 27 جاستاعى قىزدى زورلادى دەگەن كۇدىكپەن ۇستالدى. زورلىق-زومبىلىق قالاي جاسالعانىن جابىرلەنۋشىنىڭ ادۆوكاتى نۇرلان مولباەۆ ايتىپ بەردى.
اتالمىش وقيعادان كەيىن پوليتسيا قىزمەتكەرلەرى جۇمىستان بوساتىلدى.
