جەتىسۋ وبلىسى الماتى-وسكەمەن تاس جولىنىڭ 462-شاقىرىمىندا ءىرى جول اپاتى تىركەلدى. سالدارىنان 4 ادام قازا تاپتى، دەپ حابارلايدى "ادىرنا".
پوليتسيا دەرەگىنشە، وقيعا 10 جەلتوقساندا بوران مەن كوكتايعاق سالدارىنان بولعان.
الدىن الا مالىمەت بويىنشا، KIA كولىگىنىڭ جۇرگىزۋشىسى جولدىڭ قارسى جولاعىنا شىعىپ كەتىپ، Toyota ماركالى اۆتوكولىكپەن سوقتىعىسقان.
پوليتسيانىڭ حابارلاۋىنشا، جول اپاتى سالدارىنان 4 ادام وقيعا ورنىندا كوز جۇمدى. تاعى 4 جولاۋشى ءتۇرلى جاراقاتتارمەن جاقىن ماڭداعى مەديتسينالىق مەكەمەگە جەتكىزىلگەن.
اتالعان فاكتى بويىنشا قىلمىستىق ءىس قوزعالدى، تەرگەۋ ءجۇرىپ جاتىر.
ۇقساس جاڭالىقتار
