29 ماۋسىمدا قىتاي حالىق رەسپۋبليكاسىنىڭ توراعاسى سي تسزينپين بەيجىڭدە بەلارۋس پرەزيدەنتى الەكساندر لۋكاشەنكومەن كەزدەستى. بۇل تۋرالى قىتايدىڭ ورتالىق تەلەارناسى ايتتى، دەپ حابارلايدى «ادىرنا» ءتىلشىسى.
كەزدەسۋ «دياويۋيتاي» مەملەكەتتىك رەزيدەنتسياسىندا وتكەن.
ء«بىزدىڭ قارىم-قاتىناسىمىز حالىقارالىق تۇراقسىزدىق سىناعىنان سۇرىنبەي ءوتتى، ال دوستىعىمىز ودان ءارى نىعايا ءتۇستى. ىنتىماقتاستىعىمىز جان-جاقتى سيپاتقا يە، زامان تالابىنا ساي دامىپ كەلەدى جانە ۇنەمى جاڭا ناتيجەلەر بەرۋدە»، – دەدى سي تسزينپين.
ول قازىرگى ۋاقىتتا بەيجىڭ مەن مينسك اراسىنداعى بايلانىستار ەڭ جوعارى دەڭگەيگە كوتەرىلگەنىن اتاپ ءوتىپ، ستراتەگيالىق ءوزارا ءىس-قيمىلدى ودان ءارى قولداۋعا شاقىردى.
لۋكاشەنكونىڭ ءباسپاسوز قىزمەتىنە جاقىن «پۋل پەرۆوگو» Telegram ارناسىنىڭ مالىمەتىنشە، كەلىسسوزدەردەن كەيىن ەكى ەل باسشىسى ءداستۇرلى وتباسىلىق تۇسكى اس ۇستىندە بەيرەسمي تۇردە پىكىر الماسۋدى جالعاستىرادى.
ەسكە سالايىق، بەلارۋس پرەزيدەنتى 26 ماۋسىمدا رەسەيگە جاساعان جۇمىس ساپارىنان كەيىن بىردەن شىعىس جانە وڭتۇستىك-شىعىس ازيا وڭىرىنە اتتانعان ەدى. سوڭعى رەت الەكساندر لۋكاشەنكو بەيجىڭگە 2025 جىلدىڭ قىركۇيەگىندە بارعان. سول كەزدە ول اسكەري پاراد پەن شانحاي ىنتىماقتاستىق ۇيىمى سامميتىنە قاتىسقان بولاتىن.
