تۇركيا 1 شىلدەدەن باستاپ بوسفور مەن داردانەلل بۇعازدارى ارقىلى تۇرىك پورتتارىنا كىرمەي وتەتىن حالىقارالىق كەمەلەر ءۇشىن ترانزيت الىمىن شامامەن 15%-عا ارتتىردى. بۇل تۋرالى ەلدىڭ كولىك جانە ينفراقۇرىلىم مينيسترلىگى مالىمدەدى، دەپ حابارلايدى «ادىرنا» ءتىلشىسى.
جاڭا تاريف بويىنشا الىم مولشەرى ءبىر توننا ءۇشىن 5,83 دوللاردان 6,7 دوللارعا دەيىن وسكەن. ەسەپتەۋ كەمەنىڭ تازا تونناجىنا قاراي جۇرگىزىلەدى.
اتالعان مولشەرلەمە 2027 جىلدىڭ 30 ماۋسىمىنا دەيىن قولدانىستا بولادى.
مينيسترلىكتىڭ مالىمەتىنشە، 2024 جىلعى شىلدە مەن 2025 جىلعى ماۋسىم ارالىعىندا كەمەلەر ترانزيتىنەن تۇسكەن كىرىس 223 ملن دوللاردى قۇراعان. ال 2025 جىلعى ماۋسىمدا اياقتالعان جىل قورىتىندىسى بويىنشا بۇل كورسەتكىش 254 ملن دوللارعا دەيىن وسكەنى كۇتىلۋدە.
2025 جىلى بوسفور مەن داردانەلل بۇعازدارى ارقىلى 40,17 مىڭنان استام كەمە وتكەن.
